Прадавачку «Кнігаўкі» асудзілі за «дробнае хуліганства»

Насце Карнацкай далі 13 сутак арышту. Пра гэта паведамілі знаёмыя затрыманай.

16 траўня ГУБАЗіК правяла рэйд у кнігарню «Кнігаўка» і затрымала выдаўца Андрэя Янушкевіча і прадавачку Насцю Карнацкую.

Гэтаму папярэднічала стварэнне заказных рэпартажаў з фальсіфікаванымі фактамі ў ТГ-каналах Азаронка і Гладкай, якія выкарыстоўваюцца спецслужбамі для апраўдання пагромаў.

Янушкевіча 17 траўня асудзілі на 10 сутак адміністратыўнага арышту.

У выніку ператрусу былі канфіскаваныя 200 кніг. Рэпрэсіўныя органы паведамлялі, што 15 найменаванняў узята на экспертызу.