Пасол Беларусі ў Малдове абвінаваціў Мінабароны ў прадстаўленні Лукашэнку няправільнай інфармацыі

Пасла Беларусі ў Малдове выклікалі ў малдоўскі МЗС для тлумачэнняў з нагоды мапы, якую прадэманстравалі ўчора на пашыраным пасяджэнні Савета бяспекі Беларусі.

Нагадаем, Лукашэнка паказаў карту баявых дзеянняў ва Украіне, на якой былі адзначаны напрамкі ўдараў. Адна са стрэлак паказвае кірунак удару з Крыма ў бок Малдовы і Прыднястроўя, піша REFORM.by.

Пасол Анатоль Калінін заявіў, што інфармацыя была няправільна прадстаўленая прадстаўнікамі Мінабароны Беларусі, паведамляе МЗС Малдовы.