Беларускую цяжкую атлетыку ўзначаліў кіраўнік Віцебскай мытні
У аўторак, 7 снежня, адбылася справаздачна-выбарная канферэнцыя Беларускага цяжкаатлетычнага саюза (БТС), адно з асноўных пытанняў — выбары новага кіраўніцтва.
Старшынёй БТС большасцю галасоў абраны начальнік Віцебскай мытні Павел Лабачоў (старшыня Віцебскага абласнога цяжкаатлетычнага саюза), які з'яўляецца сынам заслужанага трэнера СССР і БССР па цяжкай атлетыцы Анатоля Лабачова.
Новы старшыня Саюза скончыў Беларускі дзяржаўны універсітэт
інфарматыкі і радыёэлектронікі, Інстытут нацыянальнай бяспекі Рэспублікі
Беларусь, Акадэмію кіравання пры Прэзідэнце Рэспублікі Беларусь. Працоўную
дзейнасць пачаў у Магілёўскай мытні, за час працы прайшоў шлях ад інспектара
мытнага паста да намесніка начальніка. Праходзіў службу ў Дзяржаўным мытным
камітэце, у 2021 годзе Паўлу Лабачову прысвоена персанальнае званне дзяржаўнага
дарадцы мытнай службы III рангу.
Падчас справаздачна-выбарнай канферэнцыі таксама падведзены вынікі мінулага алімпійскага цыкла і вызначаны планы на наступныя гульні Алімпіяды ў Парыжы 2024 года, адзначае афіцыйны сайт НАК Беларусі.
Чытаць цалкам: https://www.pressball.by/news/other/401313