Навіны (старонка 4181)

Замежная прэса пра Беларусь

У адрозненні ад Расіі, якая мае 385 мільярдаў долараў у грашовых рэзервах, Беларусь адчайна намагаецца пазбегнуць банкруцтва, хаця з 2000 года тэмпы росту яе гаспадаркі стабільна складалі ў сярэднім восем працэнтаў. У краіны засталося чатыры месяцы, каб дастаць дадатковыя грошы на Захадзе або атрымаць фінансаванне з Масквы… Беларусь важная для Расіі з-за свайго геапалітычнага становішча, і таму ёй будзе цяжка супрацьстаяць расійскаму ціску, — адзначае амерыканская кампанія па аналізу рызыкаў Stratfor.

Венесуэла. Арыштаваны былы міністр

Судовыя органы краіны нечакана пачалі юрыдычны пераслед лідэраў апазіцыі. У мінулы чацвер у сваім доме агентамі вайсковай паліцыі быў арыштаваны Рауль Бадуэль, былы міністр абароны. Праз некалькі гадзін старшыня вайсковай пракуратуры прызнаў, што Бадуэль знаходзіцца за кратамі. Ён таксама паабяцаў, што на працягу 30 дзён яму будзе прад’яўлена абвінавачанне. Бадуэль ужо быў у турме ў мінулым годзе. Каб выйсці на волю, яму давялося заплаціць залог у памеры 10 мільёнаў еўра. Да 2007 года Бадуэль аддана служыў Чавесу.

Германія. Бунт маладых лібералаў

Скандал у асяроддзі моладзевай арганізацыі Партыі вольных дэмакратаў (FDP) — самай буйной ліберальнай партыі ФРГ. Нечакана яе лідэры Рослер  і Лінднер запатрабавалі, каб у будучай праграме партыі фігуравалі такія левыя словы, як «салідарнасць», «справядлівасць» і нават «сацыяльная справядлівасць». Фронда моладзі (адзін з ініцыятараў лічыцца галоўным кандыдатам на пасаду старшыні) выклікала шок у старэйшай генерацыі партыі і яе старшыні Гвіда Вестэрвеле.

Францыя. Сарказі паплаціўся за тое, што не любіць класіку

Цікавую падставу для атакі на Нікаля Сарказі, ліберальнага прэзідэнта Францыі, знайшлі ягоныя апаненты. Яны крытыкуюць яго за тое, што той не любіць пісьменніцу XVII стагоддзя. Мова пра графіню Мары Мадлен дэ Лафает, фрэйліну Ганны Аўстрыйскай, якая актыўна ўдзельнічала ў жыцці літаратурных салонаў і нават напісала чатыры раманы. У гісторыі літаратуры застаўся, праўда, толькі адзін з іх — «Прынцэса Клеўская», псіхалагічная проза пра няўдалае каханне аднаго герцага да прынцэсы. Твор дэ Лафает павінен ведаць кожны кандыдат на пасаду французскага чыноўніка (такія ўмовы).

Франк-Вальтэр Штайнмаер. Валянціна Матвіенка. Рауль Кастра

Франк-Вальтэр Штайнмаер

Музыка, якая яднае

Мне надарылася дзень 25 сакавіка пражыць у Вільні. Імжыста-няўтульнай раніцай на нешматлюднай вуліцы Майроні, чыя брукаванка памятае крокі Шырмы, Сеўрука, Сергіевіча і іншых выдатных беларусаў, недалёка ад гатычнай перліны Еўропы, касцёла св. Ганны і побач з бялюткай Прачысценскай царквой, насупраць бернардзінскага парку, чорную графіку дрэваў якога шчыльна апанавалі вялізныя пенапластавыя птушкі-інсталяцыі, я чакаў сябра.

Прапаную дыскусію

Шаноўная рэдакцыя, я шчыра ўдзячны вам за цікавую газету. У «Новым Часе» я знайшоў шмат пазнавальных і глыбокіх матэрыялаў, прысвечаных пытанням культуры і гісторыі нашай Бацькаўшчыны, славутым асобам мінулага. На жаль, зараз амаль не засталося перыядычных выданняў, якія асвятлялі б гэтыя тэмы. Кудысьці знік часопіс «Спадчына», і ўжо яго даўно няма ў кнігарнях. Распавядзіце на старонках газеты пра лёс «Спадчыны». Ці яна яшчэ выдаецца, ці часопіс знік назаўсёды?