Навіны (старонка 4454)

Ніл Гілевіч: выбраныя творы; Уклад., камент. Н.Гілевіча: прадм. У.Конана. — Мінск: Кнігазбор, 2009. — 600 стар.: [8] с. іл. — («Беларускі кнігазбор»: Серыя 1. Мастацкая літаратура). Наклад 1000 ас.

Сорак восьмы (!) том кніжнага праекту «Беларускі кнігазбор» таксама сабраў і склаў сам аўтар — Ніл Гілевіч. Уладальнікам гэтай кнігі можна толькі пазайздросціць: апроч выбраных вершаў у адным томе яны маюць і славуты раман у вершах «Родныя дзеці», і непаўторныя паэмы «Лодачкі» і «Заручыны», і знакамітую аповесць «Перажыўшы вайну», і легендарныя эсэ пра славутых дзеячаў літаратуры, і... гілевічаўскую публіцыстыку...

Сергей Дубовец. Русская книга: второе издание. — Минск: И.П.Логвинов, 2009. — 132 стар. — Наклад 1000 ас.

Гэтая кніга прайшла выпрабаванне часам і зноў стала... кнігай. Перавыдадзены праз дзесяць гадоў зборнік тэкстаў Сяргея Дубаўца, напісаны для ягонага «рускага брата» па-руску, ані не страціў сваёй актуальнасці. Гэта добра для аўтара, калі ягоныя кнігі не старэюць з часам. Гэта кепска для дзяржавы, калі сітуацыя ў ёй застыла настолькі, што час спыніўся. Падобныя кнігі, як верныя спадарожнікі, вяртаючыся да нас, павінны абуджаць нас і прымушаць задумацца: штосьці, пэўна, не так, калі боль не праходзіць...

Павел Савоська. Апошні сезон: аповесці, апавяданні. — Мінск: Галіафы, 2009. — 398 стар. — Наклад 200 ас.

Біяграфія Паўла Савоські — сама раман: «працаваў настаўнікам, экскаватаршчыкам, грузчыкам, плытагонам на лесанарыхтоўках у Сібіры, горным майстрам на Чукотцы, геолагам у старацельскіх арцелях «Дальняя» і «Мінерал», займаўся бура-падрыўнымі работамі на Паўночным Урале, Казахстане і Латвіі, журналістам у газетах «Культура» і «Кнігарня»...». Ці варта казаць, хто героі яго новай кнігі? Вядома ж, «людзі, якія трапляюць у складаныя ўмовы жыцця...

Украіна: На радзіме Троцкаму паставяць помнік

Рашэнне пра ўсталяванне помніка Льву Троцкаму было прынята падчас сесіі Савета горада Бабрынец, што на Кіраваградчыне. Ініцыятарам стала Грамадская рада. Яе сябрамі было прынятае рашэнне "Пра ўсталяванне ў цэнтральным парку горада помніка Л. Д. Троцкаму ў гонар 130-х угодак нараджэння земляка, вядомага палітычнага дзеяча. Адкрыццё запланавана на 2010 год. Для ўсталявання помніка ў цэнтральным парку горада Савет вырашыў прыцягнуць “дабрачынныя сродкі".

Францыя: Карла Бруні будзе здымацца ў Вудзі Алена

Карла Бруні, першая лэдзі Францыі, жонка прэзідэнта Сарказі. Але гэта не замінае ёй займацца мастацтвам. Яна, магчыма, паспрабуе сябе ў кіно. Вудзі Ален — вядомы амерыканскі рэжысёр — прапанаваў Карле ўдзел у сваім новым фільме. Яна ўжо прыняла прапанову, назваўшы яе фантастычнай. Праўда, пакуль гаворка толькі пра кастынг. Акрамя таго, сам рэжысёр дае зразумець, што Карла не атрымае галоўную ролю. Між тым, першая мадам Францыі далёка не першая, каго Вудзі Ален марыць зацягнуць у творчы склад свайго новага праекта.

Данія. Не любіш гвалт з жанчыны, удар яе

Дзіўным чынам змагаюцца супраць гвалту з жанчын у сем’ях Даніі. Тут у інтэрнэце з’явілася он-лайн гульня, якую замовіла асацыяцыя “Стоп хатні гвалт. Удзельніку гульні прапаноўваецца з дапамогай мышкі нанесці як мага больш удараў па твару жанчыны. На заднім фоне падчас экзекуцыі ўвесь час гучыць: “Удар яе мацней! Уся соль напрыканцы роліку. Колькі б балаў ты ні атрымаў, цябе чакае адзін фінал. Той жа голас прачытае табе мараль: “Дурань, ты прайграў у самым пачатку. Гвалт з жанчыны — гэта не выйсце.

Германія. Агентам “Штазі” не месца ў парламенце

“Я абяцаю абараняць Германскую Дэмакратычнай Рэспубліку і будаўніцтва сацыялізму, неафіцыйна падтрымліваючы кантакт з Міністэрствам аховы дзяржавы (“Штазі). Подпіс пад гэтай фразай паставіў Герд-Рудзігер Хофман у далёкім 1970 годзе, калі яму было ўсяго 18 гадоў. Тады ён і не думаў, што калісьці сцяна рухне, ГДР разваліцца, ён стане дэпутатам зямельнага парламенту Брандэнбургу. Прычым не проста дэпутатам, а спікерам ад партыі Левыя па пытаннях сацыяльнай палітыкі. Цяпер той кантракт нечакана стаў вядомы публіцы. Яго знайшлі ў архіве. У выніку скандал.

Уладзімір СЦЯПАН. Тапаніміка

Я жыву ў цэнтры горада, на праспекце. Усе падзеі адбываюцца навідавоку. Мітынгі, аўтамабільныя аварыі, праезды-пралёты замежных гасцей, каталікі колькі разоў на год праходзяць пад вокнамі, дарогу кветкамі пасыпаюць… Вось моладзь у Купалаўскім скверы апошнім часам падушкамі б’ецца — імітуе лёсавызначальныя для зямлі беларускай падзеі, прастытуткі, калі цямнее, пад вокнамі п’яна смяюцца ўсю ноч, а, бывае, плачуць, з кліентамі сварацца… Словам — праспект, што з латыні, як перспектыва перакладаецца. Можна кіно здымаць.

Ні працы, ні грошай

Работнікам бялыніцкага прадпрыемства не заплацілі за працу ў шкодных умовах.

Віцебск. Гродна. Астравец. Браслаў. Глыбокае.

Віцебск. Дэмакраты дамовіліся

Прадстаўнікі дзвюх палітычных кааліцый — Аб’яднаныя дэмакратычныя сілы і Беларускі незалежны блок — дамовіліся пра сумесныя дзеянні падчас выбараў у мясцовыя саветы ў красавіку 2010 года. Віцебскія дэмакраты запланавалі сумесныя дзеянні і пастанавілі, што выбары ў мясцовыя саветы — генеральная рэпетыцыя наступнай выбарчай прэзідэнцкай кампаніі.


Гродна. Вечарына кіно і паэзіі