Міхаіл Саакашвілі ў Тбіліскай клініцы. Фота: facebook.com/daryna.chyzh
Дата візіту медыкаў пакуль не вызначана, піша журналіст Рыкард Ёзвяк у твітары. Пра гэта са спасылкай на прадстаўнікоў ЕС паведамляе «Эхо Кавказа».
«Гаворка НЕ ідзе аб пераводзе былога прэзідэнта ў Польшчу ці кудысьці яшчэ», — адзначыў Ёзвяк.
EU officials: a medical team has been granted access to #Saakashvili. No date yet when they will travel to #Georgia. and this is NOT about a transfer of the former President to Poland or elsewhere.
— Rikard Jozwiak (@RikardJozwiak) March 16, 2023
Раней дэпутат Еўрапарламента з Польшчы Ганна Фатыга заявіла пра поўную гатоўнасць групы медыцынскіх экспертаў і спецыяльнага самалёта.
«Гатова група ваенных медыкаў высокай кваліфікацыі і гатовы спецыяльны самалёт для перавозкі. У адказ з боку ўрада Грузіі фактычна цішыня», — сказала Фатыга і адзначыла неабходнасць перавозкі Саакашвілі на лячэнне ў адну з краін ЕС.
Улады Грузіі сцвярджаюць, што Міхаіл Саакашвілі атрымлівае ўсю неабходную медыцынскую дапамогу, і пытанне адпраўкі яго на лячэнне за мяжу не разглядаецца. Суд у Тбілісі раней адмовіў адвакатам былога прэзідэнта ў патрабаванні вызваліць яго для лячэння.
Міністр юстыцыі Раці Брэгадзэ заяўляў, што сям'я Саакашвілі «можа прывезці любога лекара з любой замежнай клінікі, якому дзяржава дазволіць падключыцца да яго лячэння».
Як пісаў «НЧ», Украіна даўно патрабуе ад улад Грузіі «спыніць здзек» з Міхаіла Саакашвілі, які ў канцы студзеня трапіў у рэанімацыю.
