Замежжа: навіны і аналітыка (старонка 985)

Польшча: Папу Рымскага хацелі забіць у 1987 годзе

Польская прэса цытуе варшаўскага святара Здзіслава Кроля. Ён сцвярджае, што ў 1987 годзе на Папу Яна Паўла ІІ, які быў з візітам на радзіме, рыхтаваўся тэрарыстычны замах. Яго арганізатарам быў грамадзянін Балгарыі, які працаваў у адным з варшаўскіх гатэляў. План заключаўся ў тым, каб застрэліць Папу падчас яго праезду вуліцамі горада Чэнстахоў, дзе Папа збіраўся правесці набажэнства. Тэрарыст планаваў зняць пакой з відам на вуліцу, па якой будзе ехаць Папа, і адтуль весці па яму агонь. План быў правалены абсалютна выпадкова.

Абдэльазіс Бутэфліка. Балтазар Гарсон. Прамод Муталік.

Абдэльазіс Бутэфліка

Замежная прэса пра Беларусь

Зразумела, што блізкія сябры Расіі накіраваліся туды за грашыма і, трэба прызнаць, дасягнулі поспеху. Прэзідэнт Беларусі Аляксандр Лукашэнка пагадзіўся стварыць разам з Расійскай Федэрацыяй сумесную сістэму паветранай абароны (у якасці адказу на амерыканскія праграмы ва Усходняй Еўропе) і ў адказ атрымаў крэдыт памерам 2 мільярда долараў. Гэта, так бы мовіць, палітычны кайф Расіі, за які краіна гатова плаціць, нягледзячы на ўнутраны фінансавы крызіс.
«Грузия. Онлайн» (Грузія)

Ірландыя. Больш крызісу — менш еўраскептыкаў

Адным з самых цікавых наступстваў цяперашняга эканамічнага крызісу стаў рост сімпатый да еўрапейскай інтэграцыі. Прыклад Ісландыі, якая доўгі час адмаўлялася ад шчыльных кантактаў з Бруселем, і зараз засталася сам на сам з крызісам, адыграў сваю ролю. Чарговай нацыяй у спісе тых, хто гатовы адмовіцца ад сваіх нацыяналістычных забабонаў, аказаліся ірландцы. Яшчэ ў  чэрвені 2008 года на рэферэндуме яны адмовіліся прымаць праект канстытуцыі ЕС (г. зв. Лісабонскі трактат). Супраць праекту прагаласавала 53 працэнта з тых, хто прыйшоў на выбарчыя ўчасткі.

Саудаўская Аравія. Рэформы зверху

Асцярожная лібералізацыя — так шматлікія палітолагі расцанілі змены ў складзе кабінета міністраў Саудаўскай Аравіі. З ініцыятывы караля Абдалы (Abdallah), які ўжо чатыры гады кіруе краінай, шэраг функцыянераў дзяржаўнага апарату былі адпраўленыя ў адстаўку. Ім на змену паставілі людзей з выразна мадэрнісцкай пазіцыяй. Самая вялікая сенсацыя — упершыню ў гісторыі краіны партфель міністра атрымала жанчына. Мова пра Нору Файіз (Nura al-Fajez), якая будзе адказваць за Міністэрства адукацыі жанчын. Таксама кідаецца ў вочы адстаўка старшыні Вышэйшага суду.

Іспанія. Прыхільнікаў незалежнасці не дапусцяць на выбары

Нягледзячы на афіцыйную забарону, у баскскім горадзе Більбао ў суботу адбылася буйная маніфестацыя прыхільнікаў незалежнасці краю. Прычынай стала рашэнне канстытуцыйнага суду пра забарону для дзвюх партый удзельнічаць у прызначаных на 1 сакавіка выбарах у рэгіянальны парламент. Мова пра выбарчую платформу “Дэмакратыя для трох мільёнаў (у Краіне Баскаў жывуць менавіта столькі чалавек) і партыю “Аскатасуна (Свабода). Такім чынам, на выбарах не будзе прадстаўленая ніводная партыя, якая выступае за выхад рэгіёну са складу Іспаніі або за пашырэнне аўтаноміі.

Азербайджан. У Брусель з танцамі

Цікавым чынам рэагуе Баку на крытыку з боку Захаду, якая тычыцца ідэі правядзення рэферэндуму наконт зменаў канстытуцыі. Праект паправак прапанавалі ўлады, і ў выпадку іх прыняцця, Ільхам Аліеў атрымае права абірацца на пасаду прэзідэнта неабмежаваную колькасць разоў (цяпер асноўны закон дазваляе займаць гэту пасаду толькі двойчы). Спачатку Аліеў рэагаваў вельмі эмацыянальна: абвінаваціў Захад у выкарыстанні падвойных стандартаў. Справа ішла да новай халоднай вайны, калі раптам тон азербайджанскіх афіцыйных СМІ кардынальна змяніўся.

Турцыя. Абдула Аджалан: дзесяць гадоў за кратамі

Курдскія нацыяналісты па ўсяму свету адзначаюць сумную дату ў гісторыі барацьбы за незалежнасць краю. Дзесяць гадоў таму турэцкія спецслужбы арыштавалі лідэра партызанскі, старшыню Курдскай працоўнай партыі (РКК) Абдулу Аджалана. Турэцкі суд спачатку думаў пакараць правадыра паўстанцаў смерцю, аднак з улікам імкнення Турцыі стаць сябрам ЕС (у Еўропе смяротнае пакаранне забаронена) замяніў прысуд. Аджалану далі пажыццёвы тэрмін, пры гэтым адмовіўшы ў праве на амністыю. Прайшло дзесяць гадоў.

Ізраіль. Канец ізраільскай КПСС

Парламенцкія выбары 11 лютага ў Ізраілі, на якіх перамаглі правыя партыі Лікуд і Кадыма, сталі гістарычнай катастрофай для ізраільскіх лейбарыстаў. Між тым, Партыя працы — адна з самых першых партый Ізраіля, якая ўзнікла яшчэ ў часы эміграцыі яўрэяў у Палесціну. Менавіта яе лідэр Давід Бен-Гурыён абвясціў у 1948 годзе дэкларацыю пра стварэнне дзяржавы Ізраіль. З таго часу да канца 70-х партыя манапольна фармавала ўрад, за што яе нават іранічна называлі ізраільскай КПСС.

Германія. Уйгурам з Гуантанама дадуць прытулак

Савет па справах іншаземцаў Мюнхена пагадзіўся прыняць у гарадскую турму групу уйгураў (нацыянальная меншасць у Кітаі, вернікі ісламу). Мова пра 18 чалавек, якія зараз сядзяць без суду і следства ў амерыканскай турме для тэрарыстаў Гуантанама, што на Кубе. Гэту турму Барак Абама збіраецца зачыніць, і амерыканскі МЗС вымушаны шукаць новыя месцы для вязняў, у тым ліку і для уйгураў. Сітуацыя з апошнімі больш складаная, чым з іншымі вязнямі, якіх можна папросту адправіць на радзіму.

Францыя. Тэрарыст застаўся напалову вольным

Жан-Марк Руйон (Jean-Marc Rouillan), самы славуты французскі тэрарыст, застанецца за кратамі. Руйон — 56-гадовы заснавальнік групоўкі Action Directe (“Прамое дзеянне), якая трымала ў жаху ўсю эліту краіны. У 1990 годзе яго злавілі і далі пажыццёвы тэрмін за забойства ў 1986 годзе аднаго з дырэктараў аўтамабільнага канцэрну “Renault. Праз 17 гадоў зняволення Жан-Марк дабіўся статусу “напалову вольны вязень. Па французскіх законах, вязні гэтай катэгорыі могуць удзень працаваць на волі, аднак уначы вяртацца ў турму.

ЗША. Рэспубліканцы мяняюць скуру

Здаецца, партыя рэспубліканцаў робіць высновы з паразы на апошніх прэзідэнцкіх выбараў. “Кансерватары, расісты і рэакцыянеры — выключна так называюць “сланоў у прагрэсіўных колах — пайшлі на радыкальныя рэформы. Упершыню ў гісторыі партыі кіраўніком яе апарата стаў афраамерыканец Майкл Стыл (Michael Steele), былы віцэ-губернатар штата Мэрыленд. Ён заняў пасаду дырэктара Нацыянальнага камітэта рэспубліканцаў (нешта кшталту выканкаму). На думку Стыла, яго абранне “значыць змены па сутнасці.

Андрэа Камілеры. Елізавета Другая. Барак Абама

Андрэа Камілеры

Замежная прэса пра Беларусь

Адзін час (усе 1990-я і нават больш) была мода вымяраць патрыятызм у “лукашэнках. Інакш кажучы, чым гучней пакрыўдзіш Расію і пахваліш братэрскую Беларусь, тым ты большы рускі патрыёт. Расію (чытай Ельцына) крыўдзілі за тое, што яна (ён) не жадае інтэграцыі. Быццам волат Бацька адчыняе нам братэрскія абдымкі, а Расія (Ельцын), да вялікага нашага сораму, ад гэтых абдымкаў ухіляецца. Для “сапраўдных патрыётаў Расіі Беларусь ператварылася ў Расію.