«Белавія» падоўжыла адмену рэйсаў у Краснадар і Тэль-Авіў, а Turkish Airlines — у Мінск

«Белавія» не будзе лётаць у Краснадар і Тэль-Авіў у бліжэйшыя дні.

Рэйсы ў Краснадар не будуць выконвацца 9 і 13 сакавіка, а ў Тэль-Авіў — 10 і 13 сакавіка, піша REFORM.by.

Палёты ў гэтыя гарады не выконваюцца з моманту пачатку ўварвання РФ ва Украіну. Тады Расія закрыла для грамадзянскіх судоў паветраную прастору ўздоўж межаў з Украінай і Беларуссю, а таксама на поўдні Расіі.

Turkish Airlines падоўжыла прыпыненне рэйсаў з Стамбула ў Мінск па 14 сакавіка, паведамляе прэс-служба мінскага аэрапорта.

Раней адмена была ўведзена да 8 сакавіка.