Беларуская прапаганда цяпер — гэта ўжо прапаганда рускага міру

Палітолаг Павел Усаў адзначыў, што цяпер беларускай прапаганды ўжо амаль няма, гэта стала прапагандай рускага міру. Гэты працэс назіраецца на ўсіх узроўнях: нацыянальным, рэгіянальным, бытавым. 
Павал Усаў radyjo.net

Павал Усаў radyjo.net

Беларусь залівае антыўкраінская прапаганда. Вядомыя выпадкі, калі выкарыстоўваецца літара Z, каб выказаць падтрымку Расіі.

— Яшчэ да пачатку вайны было бачна, што Беларусь цалкам увайшла ў сферу расійскай прапаганды. Яна антыўкраінская, агрэсіўная, мілітарысцкая.

Ад гэтага ўжо ёсць першыя эфекты: уся прапаганда падпарадкаваная расійскай канцэпцыі. Яна накіравана на ізаляцыю грамадства ад уплыву вонкавых уплываў. З іншага боку, каб мабілізаваць унутраныя рэсурсы на падтрымку дзеянняў Расіі ва Украіне.

Грамадства і вайскоўцы апрацоўваюцца, каб усё ж выкарыстаць войска як дадатковы рэсурс. Эфект прапаганды бачны ва ўзроўні неадэкватнага погляду на падзеі ва Украіне.

Гэта не толькі ябацькі, гэта людзі, якія не мелі свайго погляду на тое, што адбываецца ў Беларусі. Гэта людзі, якія жылі і выхоўваліся ў рускім свеце. Гэты працэс назіраецца на ўсіх узроўнях: нацыянальным, рэгіянальным, бытавым. Беларускай прапаганды ўжо амаль няма, гэта ўжо прапаганда рускага міру.

Паводле www.polskieradio.pl


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: