У Мінску затрыманая для «гутаркі» кіраўніца штаба Ціханоўскай Марыя Мароз (дапоўнена)

Раніцай 6 жніўня ў Мінску затрыманая кіраўніца штаба кандыдата ў прэзідэнты Святланы Ціханоўскай Марыя Мароз, паведамляе прэс-служба аб'яднанага штаба.



Марыя Мароз была затрыманая калі 11 гадзін раніцы 6 жніўня людзьмі, якія прадставіліся супрацоўнікамі МУС.

— Была затрыманая людзьмі, якія прадставіліся супрацоўнікамі МУС каля 11 раніцы сёння пры выхадзе з літоўскай амбасады пасля падачы дакументаў на візу, — распавялі ў аб'яднаным штабе кандыдата, перадае TUT.BY.

Па якой прычыне затрыманая Марыя Мароз і дзе яна знаходзіцца было не вядома. Яе тэлефон быў недаступны.

У сваю чаргу, МУС Беларусі паведаміла, што яно кіраўніцу штаба Ціханоўскай не затрымлівала

У 12.45 Марыю Мароз адпусцілі. Як яна паведаміла тэлеграм-каналу "Краіна для жыцця", такім чынам улады праводзілі тлумачальную гутарку.