809-ты дзень вайны. Расійскі Белгарад у руінах

У Белгарадзе абрынуўся пад'езд шматпавярховага дома. Расійцы вінавацяць УСУ. Некаторыя эксперты на аснове відэа выбуху робяць заключэнне, што дом у Белгарадзе маглі падарваць знутры. 

Наступствы ўчорашняга абстрэлу Белгарада

Як паведамляе губернатар Белгародскай вобласці, пры абстрэле загінула адна мірная жыхарка. Яшчэ 29 чалавек атрымалі раненні.

Папярэдні слайдНаступны слайд

У Белгарадзе абрынуўся цэлы пад'езд шматпавярховага дома

Як мінімум чатыры чалавекі загінулі, не менш за 15 пацярпелі.

Як паведаміў мясцовы губернатар, абрынанне адбылося з-за траплення снарада УСУ. Некаторыя эксперты на аснове відэа выбуху робяць заключэнне, што дом у Белгарадзе маглі падірваць знутры. 

«На відэа з камер не відаць аб'ектаў, якія падаюць. Цалкам падобна на правакацыю Расіі для апраўдання далейшых удараў па жылых дамах украінскіх гарадоў», — зазначыў кіраўнік Цэнтра супрацьдзеяння дэзінфармацыі (ЦСД) Андрэй Каваленка.

«Калі так, гэта цалкам у стылі Путіна», — піша ўкраінскі журналіст Андрэй Цапліенка. 

DeepState: расійцы падбіраюцца да наваколляў Ваўчанска і спрабуюць замацавацца

Расійскія вайскоўцы сапраўды занялі шэсць сёлаў на поўначы Харкаўскай вобласці ў раёне Ваўчанска і Ліпцаў, пацвярджае праект DeepState. Пра гэта піша «РБК-Украіна».

Пад расійскі кантроль перайшлі вёскі Стралечча, Краснае, Пыльная, Барысаўка ў раёне Ліпцаў, і на карце DeepState яны зараз адзначаны ў чырвонай зоне.

«Працягваюцца баі за Глыбокае, якое з'яўляецца апошнім населеным пунктам перад асноўным заданнем для расійцаў у гэтым раёне — заняць Ліпцы», — гаворыцца ў публікацыі.

У раёне горада Ваўчанск расійскія войскі занялі вёскі Пляценёўка і Агурцова — і зараз рухаюцца ў бок самога Ваўчанска. Па дадзеных DeepState, расейскія вайскоўцы ўжо падабраліся да яго паўночным наваколлях і спрабуюць там замацавацца, працягваюцца баі.