Беларусы Сіэтла: Настаў час узмацніць міжнародны ціск на ўрад Лукашэнкі (фота, відэа)
«Прыйшоў час беларусам усяго свету быць салідарнымі са сваімі суграмадзянамі ў нашай калектыўнай барацьбе за выратаванне свабоды, свабоды слова і сумленных выбараў ад палітычнага прыгнёту ў Беларусі». У рэдакцыю «Новага Часу» прыйшоў ліст ад Святланы К., якая піша пра мітынг салідарнасці з Беларуссю, што адбыўся 26 ліпеня ў Сіэтле, ЗША.
Адным з вызначальных атрыбутаў беларускага народа, як на Pадзіме, так і за мяжой, з'яўляецца наша прыстойнасць. Працягваючы нашу больш чым тысячагадовую гісторыю, улічваючы вялікія войны і голад, а таксама перыяды моцных палітычных хваляванняў і эканамічнай нявызначанасці, мы, як асобныя грамадзяне і як нацыя, прадэманстравалі нязменную прыхільнасць сацыяльнай прыстойнасці, дух грамадзянскага абавязку і няўмольную прыхільнасць дабрабыту нашых суграмадзян. Менавіта гэтая трывалая нацыянальная характарыстыка дае нам невычарпальную надзею на лепшую будучыню нашай Радзімы.
У той час, як новыя пакаленні нашых грамадзян з аднаго боку імкнуцца дасягнуць поўнага чалавечага і эканамічнага патэнцыялу, з другога — змагаюцца з палітыкай, прыгнётам і мадэллю кіравання мінулай эпохі, якую большасць іншых еўрапейскіх грамадстваў паспяхова пакінулі. Калі мы набліжаемся да чарговых нацыянальных выбараў, якія абяцаюць быць якімі заўгодна, акрамя справядлівых, нашы новыя пакаленні прымусілі нас надзвычай ганарыцца імі, тымі, хто нясе той самы гістарычны факел прыстойнасці. Дзякуючы іх барацьбе за правы чалавека, палітычную свабоду і сапраўдную дэмакратыю. І свет гэта заўважыў.
Маючыя адбыцца выбары 9 жніўня, як і ўсе астатнія пры рэжыме Аляксандра Лукашэнкі на працягу апошніх 26 гадоў, падвяргаюцца абгрунтаванай крытыцы за выключэнне асноўных палітычных канкурэнтаў, парушэнні выбарчай кампаніі і сістэматычны прыгнёт палітычных груп і нават звычайных грамадзян, якія выступаюць супраць яго.
У той час як кандыдатура прэтэндэнта на пасаду прэзідэнта банкіра Віктара Бабарыкі, была адхіленая Цэнтральнай выбарчай камісіяй у сувязі з крымінальнай справай, узбуджанай супраць яго, іншы прэтэндэнт, былы амбасадар Валерый Цапкала, быў таксама адхілены пасля адбракоўкі некаторых подпісаў у падтрымку яго кандыдатуры.
Лукашэнка таксама сутыкаецца з вострай крытыкай у Беларусі і за мяжой за сваё стаўленне да пандэміі COVID-19 і, акрамя ўсяго, за жорсткія і несправядлівыя адносіны да мірных дэманстрантаў, якія выказваюць сваё права на свабодныя і сумленныя выбары.
Прыйшоў час беларусам усяго свету быць салідарнымі са сваімі суграмадзянамі ў нашай калектыўнай барацьбе за выратаванне свабоды, свабоды слова і сумленных выбараў ад палітычнага прыгнёту ў Беларусі. Настаў час узмацніць міжнародны ціск на ўрад Лукашэнкі, каб узмацніць агульнапрынятыя глабальныя стандарты для празрыстых выбараў, уключаючы ўдзел усіх законных прэтэндэнтаў на прэзідэнцкую пасаду, доступ да назіральнікаў за выбарамі і безумоўнае вызваленне палітычных зняволеных.
26 ліпеня 2020 года ганарлівыя грамадзяне Беларусі тут, у Сіэтле, сталі плячо ў плячо ў падтрымку мірных дэманстрантаў і нашай любімай Беларусі. Мы далучаемся да гэтай адважнай барацьбы сёння, каб забяспечыць нашыя наступныя пакалені лепшай будучыняй. Жыве Беларусь!