Дзевятнаццаты дзень вайны ва Украіне. Агляд асноўных падзей

Расійскія акупанты працягваюць бязлітасна бамбіць украінскія гарады, знішчаючы школы, шпіталі, універсітэты. УСУ даюць годны адпор. Галоўныя навіны па стане на 14 сакавіка, 22.30 – у нашым матэрыяле.

Супрацоўніца «Першага канала»з’явілася  ў жывым эфіры з антываенным плакатам.



Пазней Марыну Аўсяннікаву затрымала паліцыя. 

*** Расійскія акупанты перасталі блакаваць працу «зялёнага калідора» для марыўпальцаў. Выехаць з горада ўжо змаглі некалькі дзясяткаў аўто.

***

Расійцы падарвалі частку баепрыпасаў каля першага энергаблока Запарожскай АЭС.

***

Венгрыя ўстанавіла даволі простыя правілы ўезду для бежанцаў з Украіны.

Заехаць сюды можна нават без пашпарта, а ўвоз хатніх жывёл дазволены без дакументаў.

***

Акупанты абстралялі вычышчальныя збудаванні ў Запарожскай вобласці.

Сцёкавыя воды зараз трапляюць у раку Днепр без ачысткі.

***

Міхаіл Падаляк паведамляе, што перамовы на сёння завершаныя.

Яны пастаўленыя на тэхнічную паўзу да заўтра.

***

Польшча прыняла ўжо 1,8 мільёны бежанцаў з Украіны.

***

Акупанты абстралялі з артылерыі дамы ў пасёлку Нізы Сумскай вобласці.

***

Зяленскі ў сераду выступіць перад Кангрэсам ЗША.

***

Акцыі кітайскіх кампаній рэкордна абваліліся на фоне навін аб просьбе Расіі ў ваеннай дапамозе – Bloomberg.

***

Каля Львова адкрылі палявы шпіталь, дзе перасяленцаў будуць лячыць амерыканскія медыкі.

***

У Харкаве акупанты разбурылі каля 600 дамоў.

Пра гэта заявіў мэр горада Ігар Церахаў.

***

У Беларусі зноў была заўважана вялізная калона расійскай тэхнікі.

Калона набліжалася да ўкраінскай мяжы. Некаторая тэхніка маркіраваная буквай V.

***

Падчас абстрэлу дома на Абалоні з акна вылецела чарапаха. Жывёлу перадалі медыкам Чырвонага крыжа.

***У Марыўпалі памерла адна з цяжарных жанчын, якая падчас авіяўдара расійскіх акупантаў знаходзілася ў радзільным доме.

Як паведамляе журналістка «Голаса Амерыкі» Ася Доліна, ненароджанае дзіця жанчыны таксама не выжыла.

***
Сакратар СНБА Аляксей Данілаў падчас тэлемарафону UA Разам заявіў, што на тэрыторыі Беларусі распрацоўваецца аперацыя, дзе беларусы павінны надзець форму РФ. Але беларусы адмаўляюцца. Ён заявіў, што Украіна ведае аб гэтых планах.
***
У выніку бамбардзіроўкі Ірпеня арміяй РФ снарадам былі забітыя маці і яе 12-гадовы сын. Іх пахавалі ў іх уласным двары.
 ***
Пад Васільеўкай Запарожскай вобласці ўся тэхніка РФ, якую акупанты назапашвалі пад Мелітопалем (каля 200 машын) была ўшчэнт разбітая ўкраінскай артылерыяй. Пра гэта паведаміў Віталь Кім.
***
Кіраўнік Сумскай адміністрацыі паведаміў, што "зялёных калідораў" 14 сакавіка ў вобласці не будзе. Ніводны з маршрутаў па стане на сённяшні дзень не ўзгоднены.
«Наступныя перамовы працягваюцца», — дадаў Жывіцкі.
***
Спробы расійскіх акупантаў захапіць Марыупаль так і застаюцца беспаспяховымі, паведамляе Генштаб УСУ. 

Пры гэтым горад застаецца цалкам заблакаваным і для эвакуацыі, і для гуманітарнага грузу.

***

Байдэн і Макрон у тэлефонным рэжыме абмеркавалі вайну Расіі супраць Украіны. 

«Прэзідэнты разгледзелі нядаўнія дыпламатычныя абавязкі і падкрэслілі сваю прыхільнасць да прыцягнення Расіі да адказнасці за яе дзеянні і  да падтрымцы ўрада і народа Украіны», – паведамляюць на сайце Белага дома.

Пасля перамоваў з Байдэнам, Макрон таксама патэлефанаваў Зяленскаму. Прэзідэнты абмеркавалі дадатковую дапамогу Украіне ад ЕС і ход перамоваў паміж Масквой і Кіевам.

*** Чэхія плануе даставіць Украіне дадатковую ваенную дапамогу на суму не менш як 31,5 мільёна долараў.

***
Міністэрства абароны Вялікабрытаніі заявіла, што расійскія войскі блакавалі ўзбярэжжа Чорнага мора Украіны, адрэзаўшы краіну ад міжнароднага марскога гандлю.
У брыфінгу разведкі краіны таксама гаворыцца, што расійскія ваенна-марскія сілы працягваюць наносіць ракетныя ўдары па цэлях на ўсёй тэрыторыі Украіны і што Масква правяла адну высадку марскога дэсанту ў Азоўскім моры і можа правесці далейшыя такія аперацыі ў бліжэйшыя тыдні.
***

Аўстралія абвесціла новыя санкцыі супраць расійскіх алігархаў і чальцоў іх сем'яў.

Пад санкцыі трапілі 33 чалавекі, у тым ліку ўладальнік футбольнага клуба «Чэлсі» Раман Абрамовіч, генеральны дырэктар «Газпрома» Аляксей Мілер і старшыня праўлення аднаго з найбуйнейшых авіяперавозчыкаў Расіі Дзмітрый Лебедзеў.

***

Казахстан адправіў гуманітарную дапамогу Украіне. 
Па дадзеных казахскіх СМІ, сёння з аэрапорта Алматы вылецеў першы самалёт з гуманітарнай дапамогай для Украіны, другі павінен вылецець ужо заўтра. Паведамляецца, што ўсяго Казахстан накіруе 28,2 тоны дапамогі, у прыватнасці 17 найменняў лекаў: антыбіётыкі, супрацьзапаленчыя, супрацькашлевыя і антыгіпертэзіўныя прэпараты.
***
Непадалёк ад Рыўнага расійскія тэрарысты авіяўдарам пашкодзілі тэлевышку.
На месцы ўжо працуюць профільныя службы, паведаміў кіраўнік АВА Віталь Коваль.

*** У Жытомірскай вобласці акупанты нанеслі ракетны ўдар па адмінбудынках.
Пацярпелі чатыры чалавекі, вядуцца пошукі іншых людзей. Знішчаныя адразу сем будынкаў
***У Кіеве аккупанты абстралялі шматпавярховік і завод «Антонаў». На месцах выбухаў працуюць пажарныя, медыкі і іншыя службы. Паводле папярэдніх звестак, загінулі два чалавекі, у 7 – раненні рознай ступені цяжкасці. З месца выбуху ў жылым доме эвакуіравалі каля 70 чалавек.

***
Руская праваслаўная царква ў Амстэрдаме першай з заходніх цэркваў абвесціла аб разрыве з Маскоўскім патрыярхатам праз напад Расіі на Украіну.

«Святары адзінагалосна заявілі, што больш не могуць функцыянаваць у складзе Маскоўскага патрыярхата і забяспечваць духоўна бяспечнае асяроддзе для нашых вернікаў», – паведамляецца ў заяве духавенства.

***

На Харкаўшчыне акупанты працягваюць абстрэльваць жылыя кварталы і аб'екты інфраструктуры, ёсць загінулыя і параненыя.

«Харкаўшчына перажыла складаную ноч. Расійскія акупанты без перапынку білі па жылых кварталах, шпіталях, аб'ектах інфраструктуры і прамысловасці. У выніку шматлікіх разбурэнняў і пажараў ёсць загінулыя і параненыя», – паведамляе паліцыя Харкаўскай вобласці.

***

Стартавалі перамовы https://www.unian.net/politics/startovali-peregovory-mezhdu-ukrainoy-i-rossiey-opu-novosti-ukraina-11742607.html паміж Украінай і Расіяй, паведамляе Офіс прэзідэнта Украіны.

«Складаная размова. РФ хоць і разумее ўсю недарэчнасць сваіх агрэсіўных дзеянняў, аднак застаецца ў ілюзіі, што 19-дзённы гвалт над мірнымі гарадамі – правільны выбар стратэгіі», – распавёў чалец украінскай дэлегацыі Міхаіл Падаляк.

***

Ізраіль упершыню публічна заявіў аб далучэнні да міжнародных санкцый супраць Расіі.

«Ізраіль не стане шляхам для абыходу санкцый, якія Захад увёў у дачыненні да Расіі», – заявіў кіраўнік МЗС Ізраіля Яір Лапід.