Калабаранты заявілі аб планах прыяднання Запарожскай вобласці да Расіі

Запарожскую вобласць хочуць далучыць да Расіі. Заяўлены механізм быў раней агучаны ў дачыненні да Херсонскай вобласці.

ДнепраГЭС у Запарожжы


«Будучыня ў Запарожскай вобласці можа быць толькі адна — яна павінна быць у складзе Расіі, павінна стаць паўнавартасным аб'ектам Расійскай Федэрацыі», — заявіў РІА «Навіны» чалец Галоўнай рады калабарацыянісцкай вайскова-грамадзянскай адміністрацыі Уладзімір Рогаў.

Паводле яго слоў, «народная рэспубліка» або іншыя прамежкавыя ўтварэнні стварацца не будуць. Мяркуецца, што працэс уваходжання ў склад РФ будзе пачаты пасля таго, як расійскія войскі зоймуць усю тэрыторыю Запарожскай вобласці. Рогаў таксама заявіў, што ў рэгіёне ўжо створана бівалютная зона, піша REFORM.by.

Трэба адзначыць, што Украіна ўсё яшчэ захоўвае кантроль над абласным цэнтрам — Запарожжам. Цалкам або часткова расійскімі войскамі заняты чатыры з пяці раёнаў вобласці, у тым ліку размешчаныя на ўзбярэжжы Азоўскага мора Мелітопальскі і Бярдзянскі.

Раней расійскія СМІ пісалі аб намерах далучыць да РФ Херсонскую вобласць.

Херсонская, Запарожская і Данецкая вобласці забяспечваюць для Расіі сухапутны калідор у Крым.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: