Наступствы налёту «шахедаў» на Харкаў: гарэлі, шматпавярховікі, сярод загінулых — ратавальнікі

Сёння, 4 красавіка, уначы расійскія войскі з «шахедаў» масава атакавалі Харкаў. РФ накіравала беспілотнікі на жылыя дамы. А калі да шматпавярховіка ў адным з мікрараёнаў прыбылі ратавальнікі, быў нанесены паўторны ўдар. З-за нападу ў горадзе ёсць ахвяры і пацярпелыя, у тым ліку загінулі трое ратавальнікаў.

Што вядома пра налёт «шахедаў» на Харкаў?

Як паведаміў начальнік Харкаўскага АВА Алег Сінегубаў, сёння, пачынаючы з 01:16, РФ выпусціла па Харкаву не менш за 15 беспілотнікаў, некаторыя з іх былі збітыя сіламі СПА.

• Першы беспілотнік трапіў у трохпавярховы дом у Новабаварскім раёне.
• Калі супрацоўнікі ДСНС прыбылі для разбору завалаў у трохпавярховым жылым доме, войскі РФ зноў абстралялі гэта месца. У выніку загінулі трое ратавальнікаў — гэта былі кіроўцы МНС. Акрамя таго, цяжкія раненні атрымаў паліцэйскі.

Усяго ў гэтым раёне зафіксавана чатыры ўдары БПЛА па грамадзянскай інфраструктуры. Пашкоджаныя жылыя дамы, крамы, гандлёвыя павільёны, аптэкі, аўтамабілі, бальніца і інш.

• Яшчэ адзін удар прыйшоўся на 14-павярховы дом. Там пашкоджаныя кватэры з 8 па 12 паверхі. Загінула 68-гадовая жанчына.

• Пазней, у 02:49, войскі РФ нанеслі ўдар па Салтаўскім раёне, абышлося без страт.

Усяго ў горадзе ў выніку нападу пашкоджаныя тры шматпавярховыя дамы, тры адзінкі пажарнай аварыйна-выратавальнай тэхнікі, дзве машыны хуткай дапамогі, бальніца і будынак упраўлення міліцыі.

Што вядома пра колькасць ахвяр і пацярпелых?

Усяго ў выніку абстрэлу двух жылых дамоў загінулі 4 чалавекі (сярод іх трое супрацоўнікаў ДСНС). Яшчэ 12 чалавек атрымалі раненні. Сярод пацярпелых — медсястра хуткай медыцынскай дапамогі, якая прыбыла на месца здарэння разам з брыгадай для аказання дапамогі, а таксама ратавальнік.

Таксама вядома, што сярод пацярпелых ёсць 67-гадовы мужчына, які апынуўся пад заваламі трохпавярховага дома. У той самы час, калі па ратавальніках прыйшоўся паўторны ўдар, праходзіла аперацыя па выратаванні таго мужчыны, што быў завалены плітамі на 3-м паверсе. У аперацыі, якая доўжылася каля трох гадзін, было задзейнічана каля 10 супрацоўнікаў МНС. З дапамогай ручнога гідраўлічнага інструмента і дамкратаў яны дэблакавалі чалавека і перадалі яго медыкам.

Як згадвалася вышэй, адзін з «шахедаў» трапіў у трохпавярховы жылы дом, часткова знішчыўшы яго дах і верхні паверх, узнік пажар. Дом паказаў мэр горада Ігар Церахаў. 

Акрамя таго, у выніку трапляння варожага беспілотніка яшчэ ў адзін 14-павярховы дом часткова разбураны балконы верхніх паверхаў, пашкоджаныя шкленне і элементы канструкцыі. Фактычна разбураныя кватэры з 8-га па 12-ты паверх. Фота дома апублікавалі ў Харкаўскім АВА і гарсавеце. 

Папярэдні слайдНаступны слайд

Акрамя таго, у выніку варожага абстрэлу былі пашкоджаныя аўтамабілі ДСНС і хуткай дапамогі, якія прыбылі на месца выкліку.

Паводле ўкраінскай службы РБК, сацсетак