Ноч на вайне. Што адбылося, пакуль вы спалі

173 дзень вайны. Нават за адну кароткую ноч адбылося шмат.
Антон Лістапад

Антон Лістапад

На вайне загінуў адзін з лепшых ваенных лётчыкаў Украіны. За некалькі дзён да гібелі яго адзначылі ордэнам за мужнасць 3-й ступені. У 2019 годзе яго прызналі найлепшым лётчыкам Паветраных Сіл Узброеных сіл Украіны. Таксама ён удзельнічаў у баявых дзеяннях на ўсходзе краіны.

Расійскія акупанты ў ноч на панядзелак, 15 жніўня, абстралялі горад Нікапаль Днепрапятроўскай вобласці з рэактыўных сістэм залпавага агню.

Аб новым варожым абстрэле ў Telegram паведаміў кіраўнік Нікапальскай раённай ваеннай адміністрацыі Яўген Еўтушэнка.

«З РСЗА абстраляны горад Нікопаль... Гарады, вёскі, пасёлкі берагавой лініі — заставайцеся ў хованках, на процілеглым беразе працуе ствольная артылерыя», — дадаў чыноўнік.

У Харкаве ўначы былі чуваць выбухі, паведаміў мясцовы Telegram-канал.

На Данбасе вайскоўцы адбілі наступы расійцаў на чатырох кірунках.

На Славянскім, Бахмуцкім, Аўдзееўскім і Краматорскім кірунках украінскія вайскоўцы стрымалі варожыя штурмы і прымусілі суперніка адысці.

Пра гэта гаворыцца ў зводцы Генштаба УСУ.

На Славянскім кірунку расійцы стралялі з артылерыі розных тыпаў непадалёк ад Вялікай Камышувахі, Бражоўкі, Залімана, Вернаполля, Мазанаўкі і Багародзічнага.

«На Краматорскім кірунку праціўнік спрабуе весці наступальныя дзеянні. Актыўна задзейнічае штурмавую і армейскую авіяцыю. Зафіксаваны абстрэлы непадалёк Белагораўкі, Грыгараўкі, Старадубаўкі, Вясёлага, Фёдараўкі і Северска», — дадалі ў ведамстве.

«На Аўдзееўскім кірунку зафіксаваны абстрэлы паблізу Сярэбранага, Краснагораўкі, Вопытнага, Першамайскага, Новабахмутоўкі і Мар'інкі, а таксама авіяўдар каля Краснагораўкі. З мэтай паляпшэння тактычнага становішча акупанты вялі наступальныя баі ў напрамку Пясок і Першамайскага, поспеху не мелі, вораг адышоў».

Як раней стала вядома, пасёлак Пяскі Пакроўскага раёна Данецкай вобласці знаходзіцца пад кантролем УСУ, але сітуацыя вельмі складаная — працягваюцца інтэнсіўныя баі.

Ужо 43 750 расійцаў загінулі на вайне, паведамляе УСУ.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: