Spiegel: Нерашучасць Шольца ў ваеннай дапамозе Украіне можа прывесці да яго адстаўкі

Канцлеру Германіі Олафу Шольцу можа пагражаць адстаўка праз адмову пастаўляць Украіне цяжкае ўзбраенне. Незадаволенасць рашэннем канцлера нарастае ўнутры кааліцыі, а апазіцыя ўжо на наступным тыдні можа фактычна запусціць працэдуру абвяшчэння недаверу Шольцу.


Як піша Spiegel, менавіта нерашучасць Шольца ў ваеннай дапамозе Украіне можа прывесці да яго адстаўцы. На наступным тыдні лідары апазіцыйнага блоку Хрысціянска-дэмакратычнага і Хрысціянска-сацыяльнага саюзаў (ХДС/ХСС) маюць намер унесці праект рэзалюцыі аб пастаўках цяжкага ўзбраення Украіне, калі гэтага не зробіць канцлер.

Па дадзеных Spiegel, рэзалюцыя ад ХДС/ХСС цалкам здольная сабраць большасць галасоў, бо ў самой кааліцыя ідэя паставак цяжкіх узбраенняў Кіеву мае шырокую падтрымку.

«У гэтым выпадку пазіцыя Шольца настолькі моцна пахіснецца, што яму фактычна давядзецца прасіць вотуму даверу, гэта значыць, забяспечыць сабе большасць у Бундэстагу», — піша выданне.

Раней нямецкае выданне Bild паведаміла, што менавіта па патрабаванні Шольца Міністэрства абароны Германіі выключыла ўсе цяжкае ўзбраенне, якое магло б паставіць па запыце Украіны.

Паводле РБК-Украіна



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: