Чарговае дзікунства. 31 снежня Расія зноў пускае ракеты па Украіне
Расійскія акупанты вырашылі сапсаваць украінцам пераднавагодні дзень, піша unian.net.
Кіраўнік Мікалаеўскай абласной вайсковай адміністрацыі Віталь Кім паведаміў аб пусках расійскімі захопнікамі крылатых ракет. Паводле яго слоў, расійцы вырашылі сапсаваць украінцам пераднавагодні дзень. «Ёсць пускі ракет», — адзначыў Кім.
У цяперашні час ва ўсіх абласцях Украіны ўжо аб'яўлена
паветраная трывога.
З-за пагрозы ракетнага ўдару ў Адэскай вобласці
ўвялі часовыя меры па абмежаванні электраэнергіі. Як паведаміў кіраўнік АВА
Максім Марчанка, гэта патрэбна для зніжэння нагрузкі на энергасістэму, таму цяпер
магчымыя пазапланавыя адключэнні.
Такія ж прэвентыўныя абмежаванні ўжытыя ў Харкаўскай, Сумскай,
Мікалаеўскай, Кіраваградскай, Днепрапятроўскай абласцях, а таксама ў Жытоміры.
Тым часам паведамляецца аб працы супрацьпаветранай абароны ў
Харкаўскай, Херсонскай, Кіеўскай, Вінніцкай абласцях.
Кіраўнік Офіса прэзідэнта Украіны Андрэй Ярмак, гаворачы аб
расійскай ракетнай пагрозе, адзначыў, што «няўдачнікі актывізаваліся, але
нічога, яны сваё атрымаюць». Пазней Ярмак намякнуў, што ўкраінскае СПА ўжо
працуе.
Кіраўнік Жытомірскай абласной вайсковай адміністрацыі Віталь
Бунечка паведаміў, што над вобласцю зафіксаваныя расійскія ракеты. «Ракеты
над Жытоміршчынай! Не здымаем і не выкладаем працу СПА!», — заявіў
Бунечка.
У 13:45 у Кіеўскай гарадской ваеннай адміністрацыі
паведамілі аб працы СПА ў сталіцы і вобласці.
Кіраўнік Хмяльніцкай АВА Сяргей Гамаль адзначыў, што ў
паветранай прасторы Украіны знаходзяцца арыенціровачна 20 ракет. «Магчымыя
паўторныя запускі! Заставайцеся ў сховішчах», — падкрэсліў ён.
Многія ракеты цяпер накіроўваюцца ў бок заходніх абласцей
Украіны. Частка з іх ужо былі збітыя.