Гуманітарныя калідоры ва Украіне могуць не адкрыцца 16 сакавіка. Чырвоны Крыж не ўзгадніў іх

Па стане на раніцу 16 сакавіка Украіна не можа адкрыць гуманітарныя калідоры для эвакуацыі мірных жыхароў з гарачых кропак. У прыватнасці, Чырвоны Крыж не адказаў на ўкраінскія прапановы.

Пра гэта паведамляе РБК-Украіна са спасылкай на зварот віцэ-прэм'ера, міністра рэінтэграцыі Ірына Верашчук.

«Мы не атрымалі адказы на нашы прапановы, накіраваныя ўчора ў Міжнародны камітэт Чырвонага Крыжа, аб адкрыцці гуманітарных калідораў сёння. Застаецца адкрытым пытанне арганізацыі гуманітарных калідораў сёння для Ізюма і Марыупаля. У такіх умовах мы не можам бяспечна вывозіць людзей», — адзначыла яна.

З-за ўзмоцненай каменданцкай гадзіны ў Кіеўскай вобласці, якая дзейнічае да раніцы 17 сакавіка, сёння не будзе гуманітарных калідораў з акупаваных населеных пунктаў.