Крыніцы: У Маскве пачаліся арышты вайскоўцаў, хапун ладзяць элітныя падраздзяленні Расгвардыі
У сталіцы Расіі адбываюцца шматлікія арышты вайскоўцаў. Пра гэта паведамляе unian.net са спасылкай на Галоўнае ўпраўленне выведкі Мінабароны Украіны.
«У Маскве пачаўся комплекс мер, накіраваных супраць вайскоўцаў. Рух у цэнтры перакрыты. У горад увайшлі
падраздзяленні дывізіі аператыўнага прызначэння імя Дзяржынскага — «эліты Расгвардыі», — гаворыцца ў паведамленні.
Адзначаецца, што расгвардзейцы рухаюцца да цэнтра сумесна з
падраздзяленнямі паліцыі.
«Вядома аб шматлікіх арыштах, затрыманнях і блакаванні
вайскоўцаў. Усе воінскія падраздзяленні па перыметры Масквы прыведзены ў
павышаную баявую гатоўнасць», — адзначылі ў ГУР, не паведамляючы, у чым
прычына.
Раней паведамлялася, што ў расійскім вайскова-палітычным кіраўніцтве
наспяваюць змены. Эксперты мяркуюць, што кіраўнік «вагнераўцаў» Яўген Прыгожын і кіраўнік Чачэнскай рэспублікі Рамзан Кадыраў імкнуцца паваліць міністра абароны Сяргея Шайгу.
Напярэдадні Кадыраў абвінаваціў расійскае
вайсковае камандаванне ў няздольнасці аператыўна адрэагаваць на абвастрэнне
сітуацыі ва Украіне, а таксама заявіў, што Расіі неабходна захапіць тэрыторыі чатырох
абласцей Украіны ўсімі даступнымі сродкамі, уключаючы ядзерную зброю малой
магутнасці. «Кухар Пуціна» Прыгожын паўтарыў крытыку Кадырава
на адрас расійскага вайсковага кіраўніцтва.
Наступстваў для іх абодвух не было. Больш за тое, Кадыраў у другі раз з 24 лютага атрымаў «павышэнне». У канцы сакавіка ён стаў
генерал-лейтэнантам, а на гэтым тыдні Пуцін даў яму званне генерал-палкоўніка.
Заявы Кадырава і Прыгожына падхапілі ток-шоу на расійскіх федэральных тэлеканалах — крытыка
ваеннага камандавання ўпершыню пачала гучаць на ўсю краіну.
Мяркуюць, што ўрэшце Пуцін будзе спрабаваць зрабіць
вінаватым у няўдачах на вайне супраць Украіны вайсковае камандаванне. У
прыватнасці, Інстытут вывучэння вайны прагназуе, што кіраўніка Мінабароны РФ Сяргея Шайгу зробяць
казлом адпушчэння.