У Расіі заканчваюцца крылатыя ракеты?

У расійскіх войскаў заканчваюцца крылатыя ракеты паветранага базавання. Пры гэтым досыць вялікая колькасць з іх дэманструе частыя адмовы падчас запуску.

CNN паведамляе, спасылаючыся на прадстаўніка Мінабароны ЗША, нібыта ёсць прыкметы таго, што войскі РФ спрабуюць захаваць "гэты інвентар" шляхам скарачэння запасаў дакладных кіраваных боепрыпасаў. Таксама адзначаецца, што адмова ў сістэме навядзення расійскіх высокадакладных боепрыпасаў знаходзіцца ў дыяпазоне ад 20% да 60% — гэта залежыць ад тыпу зброі і задання

Такім чынам, як тлумачыць чыноўнік Мінабароны ЗША, ракета не далятае да мэты ці не выбухае пры падзенні ў 20–60% выпадкаў.

Пры гэтым прадстаўнікі Міністэрства абароны ЗША паведамілі, што, паводле ацэнак Пентагона, з пачатку вайны Расія запусціла больш за 1100 ракет.