Вакзал у Краматорску абстралялі касетным ракетамі, вядома пра 30 загінулых
Чыгуначны вакзал у горадзе Краматорск Данецкай вобласці абстралялі касетным ракетамі. Цяпер вядома аб дзясятках загінулых і сотні параненых.
У Краматорску ракетамі абстралялі вакзал. Фота t.me/pavlokyrylenko_donoda
Цяпер вядома аб трох дзясятках загінулых і сотні параненых. Пра гэта
паведамляе кіраўнік Данецкай вобласці Павел Кірыленка.
На момант удару на чыгуначным вакзале былі тысячы людзей, якія прабавалі з’ехаць з горада. Цяпер на месцы працуюць ратавальнікі і паліцыя. Цяпер вакзал закрыты і для эвакуацыі, і для прыёму цягнікоў.
"Падчас ракетнага ўдару на вакзале знаходзіліся тысячы людзей, бо адбываецца эвакуацыя жыхароў Данецкай вобласці ў больш бяспечныя вобласці Украіны. Рашысты добра ведалі, куды цэляцца і чаго хочуць: яны хочуць узяць у закладнікі як мага больш мірных людзей, хочуць знішчыць усё ўкраінскае", — гаворыцца ў паведамленні.
У прэс-службе Укрзализныци дадалі, што падчас ракетнага абстрэлу загінулі не менш за 30 чалавек, яшчэ больш за 100 атрымалі раненні.
Прэзідэнт Украіны Уладзімір Зяленскі адрэагаваў на атаку расійскіх войскаў на чыгуначны вакзал. Ён заявіў, што вораг нанёс удар ракетай "Точка-У":
"Акупанты ўдарылі "Точкой-У" па чыгуначным вакзале Краматорска, дзе знаходзіліся тысячы мірных украінцаў, чакаючы эвакуацыі... Каля 30 загінулых, каля 100 чалавек атрымалі раненні рознай ступені цяжкасці… Рускія — не людзі і не пакідаюць сваіх метадаў. Не маючы сіл і смеласці супрацьстаяць нам на полі бою, яны цынічна знішчаюць цывільнае насельніцтва. Гэта зло, якое не мае межаў. І калі яно не будзе пакаранае, то ніколі не спыніцца", — напісаў Зяленскі.