Пяскоў: Цяпер да Расіі недружалюбныя ўсе краіны

Прэс-сакратар Крамля Дзмітрый Пяскоў прызнаў, што па расійскай эканоміцы нанесены сур'ёзны ўдар.


«Эканоміка Расіі цяпер адчувае сур'ёзны націск, сур'ёзны ўдар, я б сказаў. Запас трываласці ёсць, патэнцыял ёсць, планы маюцца. Энергічная праца вядзецца. На нагах устаім», — перадае яго словы REFORM.by са спасылкай на ТАСС.

Пяскоў дадаў, што ў краіне прымаюцца спецыяльныя меры для мінімізацыі рызык. Ён таксама сказаў, што ў Расіі ёсць вопыт барацьбы з беспрацоўем у моманты папярэдніх крызісаў.

Па яго словах, былі пралічаныя розныя варыянты. Рыхтуюцца меры ў адказ.

«Масква пралічвала розны градус рэакцый — ад самых лёгкіх да самых жорсткіх. Меры ў адказ на гэтыя недружалюбныя, а кажучы па-руску, варожыя, дзеянні, вядома, павінны быць прааналізаваны. Ніхто ў нагу сабе страляць не збіраецца на злосць камусьці. Мы зробім так, як нам трэба, як нам выгадна. І з цвярозай галавой», — сказаў ён.

Прэс-сакратар Крамля не стаў каментаваць пашырэнне спісу недружалюбных краін. Раней у яго былі ўнесены ЗША і Чэхія. Цяпер, па словах Пяскова, спіс ужо другасны.

«Мяркуючы з тых захадаў, якія многія краіны прымаюць у дачыненні да нас, яны цяпер усе дэ-факта з'яўляюцца недружалюбнымі — у спісе яны ці не ў спісе. У дадзеным выпадку спіс — гэта другасна», — сказаў ён.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: