Шосты пакет санкцый ЕС супраць Расіі заблакаваны

Але ў Еўрасаюзе спадзяюцца знайсці кампраміс.

Шосты пакет санкцый Еўрасаюза ў дачыненні да Расіі заблакаваны з-за пазіцыі Венгрыі, але ЕС спадзяецца знайсці кампраміс, заявіў еўракамісар па эканоміцы Паола Дженцілоні ў эфіры канала «Rai News 24».

«Мы прынялі вельмі хутка і аднадушна пяць пакетаў санкцый, але шосты пакет з вядомых прычын пакуль стаіць. Я аптымістычна настроены адносна перспектыў знаходжання кампрамісу», — заявіў Джэнцілоні (цытата з ТАСС).

Шосты пакет уключае ў сябе эмбарга на пастаўкі расійскай нафты. Еўракамісар растлумачыў, што Венгрыя не выступае супраць ўвядзення эмбарга ў прынцыпе, але разлічвае на падтрымку з-за складанасцей з энергазабеспячэннем краіны.

Паводле reform.by.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: