Яўген Літвінковіч прэзентаваў свой дэбютны відэакліп

Напачатку красавіка ў Кіеве прайшлі здымкі дэбютнага відэакліпа суперфіналіста 3-га сезона шоу «Х-Фактар», жодзінскага хлопца Яўгена Літвінковіча. Гэта праца стала экранізацыяй аўтарскай песні маладога выканаўца «Знакі задыяка».

Дэбютнага відэакліпа Яўгена яго фанатам давялося чакаць больш месяца — менавіта на столькі часу зацягнуўся мантажны перыяд. Але напярэдадні сольнага канцэрта, які адбудзецца 31 траўня ў Нацыянальнай музычнай акадэміі Украіны, артыст усё ж парадаваў слухачоў, прэзентаваўшы сваю першую відэапрацу, рэжысёрам якой стаў Максім Літвінаў.
  Здымкі праходзілі ў павільёне тэлеканала СТБ, у якім адмыслова для гэтага была пабудавана копія жылога пакоя. Менавіта ў ёй, па задуме рэжысёра, і разгортваюцца ўсе асноўныя падзеі кліпа. А іх, ужо паверце, у ім звышдастаткова! Тут і неверагодныя хаджэнні па сценах, і фантастычныя палёты, для выканання якіх Яўгену Літвінковічу давялося прайсці падрыхтоўку з камандай прафесійных каскадзёраў. Дый той звар'яцелы напал эмоцый, які пануе паміж ім і галоўнай гераіняй, прымушае, не адрываючыся, сачыць за ўсім які адбываецца ў спробе прадбачыць – чым жа ўсё гэта скончыцца.
- Жэня і яго дзяўчына – нейкія містар і місіс Сміт з аднайменнага фільма, - з усмешкай кажа рэжысёр відэакліпа Максім Літвінаў. – Тут велізарная канцэнтрацыя неверагодна магутных эмоцый… Рэўнасць, каханне, сэксуальная цяга… Само сабою ўзровень выбухоўнасці ў такім разе проста зашкальвае… Будзьце ўпэўнены, у нас ён дасягне крытычнай кропкі!
  - Было вельмі складана, але разам з тым, неверагодна цікава выконваць усе гэтыя звар'яцелыя трукі. Пакой уставаў з ног на галаву, мы з маёй гераіняй парушалі ўсе мажлівыя і неймаверныя законы фізікі… Мне здаецца, вам сапраўды будзе на што паглядзець! Калі вы мужчына, прынамсі мая выдатная гераіня, удзельніца 2 сезона «Танцуюць усе» Ілона Гваздзёва, наўрад ці пакіне вас абыякавым… Ведаю па асабістым досведзе! - дзеліцца ўражаннямі Яўген Літвінковіч.
Паводле litvinkovich.stb.ua