Сонечныя промні: медытацыя на паляпшэнне фізічнага стану, у дапамогу арганізму для пазбаўлення ад хваробаў і непрыемных станаў

Сонца ў карціне свету нашых продкаў уяўляла сабой вялізнае касмічнае вогнішча, якое саграе нябёсы. Сонечныя промні валодаюць вялікай жыццядайнай моцай.


Згодна з паданнямі, яны не толькі саграюць зямлю, выклікаюць рост насення, але могуць абясшкодзіць (ці нават знішчыць) чорта і іншых нячысцікаў. У тым ліку і тых, якія выклікаюць розныя хваробы.

Таксама Сонца цесна звязанае з паняткам Раю – месцам, дзе «заўжды шмат усяго, што толькі душа прымае», дзе няма пакутаў, хвароб і самой смерці.

Вось і мы запрашаем вас сагрэцца ў сонечных промнях, ачысціцца ад негатыву, увабраць у сябе ўсю моц нябеснага вогнішча.


Мантаж: Святлана Лазоўская

Музыка з канала Free Radio No Copyright Music (Epic FREE — mixkit serene view)


Перад медытацыяй:

— Паклапаціцеся, каб хвілін 20-30 вас ніхто не турбаваў (адключыце тэлефоны, пазакрывайце мэсэнджары на кампьютары/планшэце, зачыніце дзверы, здыміце фітнэс-бранзалеты ды смарт-гадзіннікі)

— Праветрыце памяшканне, папіце вады, наведайце прыбіральню

— Паздымайце ўсе ўпрыгожанні з валасоў, гадзіннікі, паясы (ці проста расшпіліце)

— Уладкуйцеся ў зручнай позе (цягам медытацыі варушыцца можна, калі ўзнікне такое жаданне)

Вітаем у падарожжы ў Сусвет!