Сустрэча з татэмам. Медытацыя для падтрымкі і атрымання дапамогі ад свайго падсвядомага

Калі адчуваеце, што заблыталіся, жыццё стала цяжкім і вам патрэбна прыняцце, падтрымка і дапамога — адпраўляйцеся ў запаветны лес на сустрэчу са сваёй татэмнай жывёлай.

Жывёлы для нашых продкаў мелі не толькі гаспадарчае, але і вялікае сімвалічнае значэнне. У казках, паданнях часта яны выступаюць памагатымі чалавека. А абрады, звязаныя з жывёламі, захаваліся і па сёння. 

Жывёлы-татэмы вядомыя не толькі на беларускіх землях. Людзі па ўсім свеце верылі (а дзе-нідзе і па сёння вераць), што татэмная жывёла надзяляе сваімі найлепшымі якасцямі сябра-чалавека, дапамагае ў складаных сітуацыях, абараняе.

Перад медытацыяй: 

• Паклапаціцеся, каб хвілін 20-30 вас ніхто не турбаваў (адключыце тэлефоны, пазакрывайце мэсэнджары на камп'ютары/планшэце, зачыніце дзверы, здыміце фітнес-бранзалеты ды смарт-гадзіннікі).
• Праветрыце памяшканне, папіце вады, наведайце прыбіральню. 
• Паздымайце ўсе ўпрыгожанні з валасоў, гадзіннікі, паясы (ці проста расшпіліце). Уладкуйцеся ў зручнай позе (цягам медытацыі варушыцца можна, калі ўзнікне такое жаданне). 

Вітаем у падарожжы ў Сусвет!