Агмень: медытацыя-пазбаўленне ад трывожнасці і страхаў
Хатні агмень, пасля — печ, з’яўляліся цэнтрам хатняга сусвету нашых продкаў. Функцыянальна печ — гэта абарона ад холаду, цемры. А таксама — «утаймавальніца» прыроднага агню. У печы ён не разбуральная стыхія, а добры памагаты (сагрэе, высушыць, прыгатуе ежу, дапаможа пры розных хваробах і гэтак далей). Адсюль, відаць, і пайшоў вобраз печы, як захавальніцы жыцця. Яна нібыта гарантавала несупынны працяг жыцця ў хаце.