Дарога. Медытацыя на адшуканне свайго шляху

 Калі падаецца, што жыццё ідзе «не туды», і незразумела, што рабіць далей, варта знайсці сваю дарогу.

У карціне свету нашых продкаў дарога звязвала «той» і «гэты» свет, вяла да неба (Бога). Сустрэчы на дарозе лічыліся добрым знакам. У той жа час ні ў якім разе нельга было будаваць жытло на месцы, дзе праходзіла дарога. Бо з дарогай звязана шмат замоў і варожбаў, дарозе «аддавалі» хваробы і няўдачы. 

Мы ж прапануем з дапамогай медытацыі сярод тысячы дарог знайсці сваю і смела крочыць па ёй насустрач свайму шчасцю. 

Перад медытацыяй: 

Паклапаціцеся, каб хвілін 20-30 вас ніхто не турбаваў (адключыце тэлефоны, пазакрывайце мэсэнджары на камп'ютары/планшэце, зачыніце дзверы, здыміце фітнес-бранзалеты ды смарт-гадзіннікі).

Праветрыце памяшканне, папіце вады, наведайце прыбіральню. 

Паздымайце ўсе ўпрыгожанні з валасоў, гадзіннікі, паясы (ці проста расшпіліце). Уладкуйцеся ў зручнай позе (цягам медытацыі варушыцца можна, калі ўзнікне такое жаданне). 

Вітаем у падарожжы ў Сусвет!