Вянок. Медытацыя на вяртанне кантролю над сваім жыццём

Калі вам падаецца, што ад вас абсалютна нічога не залежыць, што жыццё кідае вас, быццам маленькую трэску, памедытуйце — спляціце свой лёс, як прыгожы вянок!

У традыцыйнай культуры вянок мае вялікае значэнне. Гэта атрыбут шматлікіх свят і важных жыццёвых падзей. Перад вяселлем дзяўчына пляце вянок, звіваючы лёс новай сям’і. Вянкамі ўшаноўвалі герояў. Існуе і паданне пра долю, у якім вянкі з розных раслін сімвалізуюць тое, які лёс чакае толькі што народжанае немаўля.

Прапануем і вам сплесці свой непаўторны лёс-вянок!

Мантаж: Крылы

Музыка: з Free Relaxing Chill Music | ARNOR by Alex-Productions | onsound.eu

Music promoted by free-stock-music.com / Creative Commons / Attribution 3.0 Unported License (CC BY 3.0)

Перад медытацыяй:

• Паклапаціцеся, каб усе дзённыя справы былі завершаны і вас ніхто не турбаваў (адключыце тэлефоны, пазакрывайце мэсэнджары на камп'ютары/планшэце, зачыніце дзверы, здыміце фітнес-бранзалеты ды смарт-гадзіннікі).
• Праветрыце памяшканне, папіце вады, наведайце прыбіральню.
• Рассцяліце ложак, уладкуйцеся ў зручнай позе (цягам медытацыі варушыцца можна, калі ўзнікне такое жаданне) і спакойна засынайце.

Вітаем у падарожжы ў Сусвет!