Перараджэнне. Медытацыя для пераходу ў новы этап свайго жыцця

Новая медытацыя па-беларуску на YouTube-канале «Беларуская гармонія»! Пераход у новы этап — важны перыяд для кожнага чалавека. Але ў шалёным рытме сучаснага жыцця мы часта забываемся на гэта і не даём сабе часу і падтрымкі. Таму часта пераходы праходзяць непрыемна і нават балюча. 

Гэтая глыбокая і моцная медытацыя адкрые для вас шлях у новае і лепшае. Мы прапануем з дапамогай медытацыі зрабіць такі пераход больш лёгкім і камфортным. 

Перад медытацыяй: 

Паклапаціцеся, каб хвілін 20-30 вас ніхто не турбаваў (адключыце тэлефоны, пазакрывайце мэсэнджары на камп'ютары/планшэце, зачыніце дзверы, здыміце фітнес-бранзалеты ды смарт-гадзіннікі).

Праветрыце памяшканне, папіце вады, наведайце прыбіральню. 

Паздымайце ўсе ўпрыгожанні з валасоў, гадзіннікі, паясы (ці проста расшпіліце). Уладкуйцеся ў зручнай позе (цягам медытацыі варушыцца можна, калі ўзнікне такое жаданне). 

Вітаем у падарожжы ў Сусвет і падпісвайцеся на канал, каб не прапусціць новыя медытацыі на беларускай мове!