Яблык. Медытацыя, каб прыдаць смаку жыццю

Калі жыццё стае шэрым і нецікавым, нішто не радуе і не выклікае эмоцый, знайдзіце свой яблык, атрымайце сапраўдную асалоду, адчуйце раскошу і прагу жыцця.

У традыцыйнай карціне свету нашых продкаў яблыня ўвасабляе плоднасць, каханне, здароўе, цэласнасць, дабрабыт, радасць і асалоду жыцця. Яблык абазначае здароўе, прыгажосць, раскошу. Ён з’яўляецца крыніцай жыццёвай энергіі, маладосці, прыгажосці і асалоды.

Перад медытацыяй: 

    • Паклапаціцеся, каб хвілін 20-30 вас ніхто не турбаваў (адключыце тэлефоны, пазакрывайце мэсэнджары на камп'ютары/планшэты, зачыніце дзверы, здыміце фітнес-бранзалеты ды смарт-гадзіннікі).

    • Праветрыце памяшканне, папіце вады, наведайце прыбіральню. 

    • Паздымайце ўсе ўпрыгожанні з валасоў, гадзіннікі, паясы (ці проста расшпіліце). Уладкуйцеся ў зручнай позе (цягам медытацыі варушыцца можна, калі ўзнікне такое жаданне). 

Вітаем у падарожжы ў Сусвет!