Дзяркач. Медытацыя каб упарадкаваць свае жыццё

 Новая медытацыя па-беларуску на YouTube-канале «Беларуская гармонія»! Калі эмацыйнае смецце, бясконцыя бытавыя клопаты, няўпэўненасць у сваім заўтра загрувасцілі кожнае імгненне і не даюць жыць напоўніцу, вазьмі свой дзяркач і прывядзі ўсё да ладу.

Для нашых продкаў венік (дзяркач, галень) быў не толькі неабходным прадметам хатняй гаспадаркі, але і ўвасабляў у сабе сам дух жытла. Часта атаясамляўся з продкамі альбо дамавіком. Таксама гэта быў «магічны» прадмет: ім карысталіся ў разнастайных абрадах, лічылі надзейным абярэгам.

То і мы прапануем навесці чысціню і парадак у сваіх думках, у сваім жыцці з дапамогай медытацыі «Дзяркач». 

Перад медытацыяй: 

    • Паклапаціцеся, каб хвілін 20-30 вас ніхто не турбаваў (адключыце тэлефоны, пазакрывайце мэсэнджары на камп'ютары/планшэце, зачыніце дзверы, здыміце фітнес-бранзалеты ды смарт-гадзіннікі).

    • Праветрыце памяшканне, папіце вады, наведайце прыбіральню. 

    • Паздымайце ўсе ўпрыгожанні з валасоў, гадзіннікі, паясы (ці проста расшпіліце). 

    • Уладкуйцеся ў зручнай позе (цягам медытацыі варушыцца можна, калі ўзнікне такое жаданне). 

Вітаем у падарожжы ў Сусвет і падпісвайцеся на канал, каб не прапусціць новыя медытацыі на беларускай мове!