Сустрэча з бацькам. Медытацыя на атрыманне падтрымкі, умацаванне веры ў сябе

Новая медытацыя па-беларуску на YouTube-канале «Беларуская гармонія»! Калі вы разгубленыя, калі жыццё ставіць складаныя задачы і няма ўпэўненасці, што вы з імі зладзіце, адпраўляйцеся на сустрэчу з уласным героем — з бацькам.

Медытацыя скіраваная на сустрэчу са сваім унутраным бацькам. Таму, нават калі ў рэальным жыцці ваш бацька не з’яўляўся для вас надзейнай апорай, узорам мудрасці, сілы ды смеласці, не аказваў падтрымку, не дзяліўся вопытам, гэта не будзе перашкодай для медытатыўнай практыкі.

Вобраз бацькі — адзін з фундаментальных сімвалаў бадай у любой культуры. Бог-бацька, бацька-неба, што апекуецца кожным стварэннем у нашым свеце. Гэта дасведчаны, моцны, рашучы і адначасова — клапатлівы, справядлівы, пяшчотны. Ён падтрымае, дарадзіць, дапаможа.

Мы прапануем з дапамогай медытацыі сустрэць свайго ўнутранага бацьку, каб атрымаць падтрымку, напоўніцца ўпэўненасцю, паверыць у свае сілы. 

Перад медытацыяй:

• Паклапаціцеся, каб хвілін 20-30 вас ніхто не турбаваў (адключыце тэлефоны, пазакрывайце мэсэнджары на камп'ютары/планшэце, зачыніце дзверы, здыміце фітнес-бранзалеты ды смарт-гадзіннікі).
• Праветрыце памяшканне, папіце вады, наведайце прыбіральню. 
• Паздымайце ўсе ўпрыгожанні з валасоў, гадзіннікі, паясы (ці проста расшпіліце). Уладкуйцеся ў зручнай позе (цягам медытацыі варушыцца можна, калі ўзнікне такое жаданне). 

Вітаем у падарожжы ў Сусвет і падпісвайцеся на канал, каб не прапусціць новыя медытацыі на беларускай мове!