Моц Зямлі: медытацыя на пазбаўленне ад крыўды і гневу

Зямля — маці ўсяго жывога ў нашым свеце. Яна нясе ў сабе ідэю бясконцай любові да ўсяго існага. Калі адчуваеце, што вас захапіла злосць, у сэрцы пасялілася крыўда, звярніцеся да моцы Зямлі, напоўніцеся яе спрадвечнай энергіяй і ўсеабдымнай любоўю.

У карціне свету нашых продкаў Зямля з’яўляецца адным з першаэлементаў Сусвету, з якога створаны не толькі наш свет, але і сам чалавек. Зямля цесна звязана з культам продкаў і такімі паняццямі, як дом, Радзіма. А сіла продкаў і «родныя сцены» дапамогуць справіцца з любой крыўдай.

Перад медытацыяй:

    • Паклапаціцеся, каб хвілін 20-30 вас ніхто не турбаваў (адключыце тэлефоны, пазакрывайце мэсэнджары на камп’ютары/планшэце, зачыніце дзверы, здыміце фітнес-бранзалеты ды смарт-гадзіннікі).

    • Праветрыце памяшканне, папіце вады, наведайце прыбіральню.

    • Паздымайце ўсе ўпрыгожанні з валасоў, гадзіннікі, паясы (ці проста расшпіліце).

    • Уладкуйцеся ў зручнай позе (цягам медытацыі варушыцца можна, калі ўзнікне такое жаданне).

Вітаем у падарожжы ў Сусвет!