Зянон Пазняк у эфіры АНТ выступіў супраць правядзення ЧС па хакеі ў Беларусі
«Гэта свята для аднаго чалавека, які ў дзяцінстве не нагуляўся ў хакей, і зараз ён стварае гэтае шоу для сябе, каб паказаць сваю ўладу, свой рэжым у выгадным святле», — заявіў Пазняк на фоне карыкатуры на Лукашэнку.
У праграме «Контуры» на канале АНТ з'явіўся сюжэт, прысвечаны чэмпіянату свету па хакеі. Апроч асвятлення спартыўных падзей, былі закранутыя і акцыі пратэсту
эмігрантаў.
Прычым пікет у Нью-Ёрку пракаментаваў асабіста Зянон Пазняк. Ці то палітык не зразумеў, што перад ім мікрафон беларускага канала, падумаў, што гэта расійскае тэлебачанне, ці то вырашыў данесці думку да ўсёй вялікай рускамоўнай аўдыторыі — але сваю пазіцыю агучыў па-руску.