Калі вызваляць Марыупаль? «Настройваемся на вясну-восень»

Тое, што горад будзе дэакупаваны ў наступным годзе максімум, не выклікае сумненняў, заявіў дарадца мэра Марыупаля.

Ілюстрацыйнае фота з тэлеграм-канала Уладзіміра Зяленскага

Ілюстрацыйнае фота з тэлеграм-канала Уладзіміра Зяленскага

Улады Марыупаля разлічваюць на дэакупацыю горада на працягу 2023-га года. Пра гэта дарадца гарадскога кіраўніка Марыупаля Пётр Андрушчанка заявіў у эфіры тэлемарафона FREEДОМ, паведамляе УНІАН.

"Калі дастаткова прагматычна глядзець на факты, натуральна, ёсць толькі адзін фактар [дэакупацыі Марыупаля] — нашы ўзброеныя сілы. Калі будуць гатовыя дэакупаваць, будуць гэта рабіць. Мы разумеем працягласць лініі фронту і складанасць прыняцця рашэнняў. Мы настройваемся на вясну-восень, што мы вернемся дадому, маем планы аднаўлення. Тое, што гэта будзе ў наступны год максімум, мы ў гэтым не сумняваемся на сённяшні дзень. Як будзе развівацца — пытанне нашага ваеннага кіраўніцтва", — адзначыў ён.


"Мы будзем працаваць з горадам, марыупальцамі ўвесь гэты перыяд, і ў акупацыі, і ў эвакуацыі, рабіць усё, што ад нас залежыць, каб сапраўды дэакупацыя наступіла як мага раней, прайшла як мага лягчэй", — дадаў ён.

Што да настрояў жыхароў захопленага расійскімі салдатамі горада, Андрушчанка падкрэсліў — тых, хто падтрымлівае ворага, вельмі няшмат. "Ёсць пэўны пласт насельніцтва, прарасійскі. Ён як быў, так і ёсць, невялікі. На сённяшні дзень я б ацаніў яго ў 5% ад тых, хто знаходзіцца [у акупацыі]. Гэта ўсё тыя, хто ўжо далучыўся да акупацыйнай улады ў тым ці іншым выглядзе. Самае цікавае, што значная частка прарасійскі настроеных цяпер бягуць з Марыупаля ў Расію, разумеючы, што там не будзе светлай будучыні", — сказаў дарадца мэра.