З'явілася фота, як тоне карабель «Масква»

Вайсковыя аглядальнікі сцвярджаюць, што фота можа быць сапраўдным.

У твітары з’явілася фатаграфія, на якой, як сцвярджаецца, гарыць і тоне расійскі ваенны карабель «Масква».
Крыніца фота невядомая і медыя не могуць пацвердзіць аўтэнтычнасць здымка. Але вайсковыя аглядальнікі сцвярджаюць, што фота можа быць сапраўдным, піша BBC.
OSINTtechnical, вядомы акаўнт у Twitter, які дзеліцца інфармацыяй з адкрытых крыніц, напісаў: «Я не магу праверыць сапраўднасць, але гэта крэйсер класа «Слава», і я не ведаю, каб прынамсі яшчэ адзін быў знішчаны такім чынам».
Украіна сцвярджае, што падбівала «Маскву» ракетамі «Нептун». Расія прызнала, што карабель затануў, але кажа, што гэта адбылося пасля пажару і шторму.