Рычард — рыцар са сметніцы
Рычарда знайшлі ў кантэйнеры для смецця у адным з двароў Мінска па вуліцы Асаналіева. Нехта завярнуў шэсць нованароджаных шчанюкоў у анучу ды проста выкінуў. Адно малое было ўжо мёртвае.
Але астатнія выжылі, іх выратавалі і выкармілі. Сёння брацікі ды сястрычка Рычарда ўжо знайшлі дом.
А гэта наш унікальны хлопец Рычард, маленькі Дон Кіхот. Малыш выглядае як эталон журботы, у яго вачах, здаецца, хаваецца ўся мудрасць свету. Але пры гэтым хлопец выклікае пачуццё замілавання.
Вельмі сур'ёзны абаронца, спакойна паводзіць сябе дома, ходзіць выключна на пялёнку.
Рычарду два месяцы, калі вырасце, будзе сярэдняга памеру.
Калі вам спадабаўся наш маркотны рыцар, тэлефануйце і прыязджайце знаёміцца: +37533 6392441 Наталля.
