Аляксандр Канеўскі: «Калі яны білі, то ў іх вачах было задавальненне»

«Калі яны білі, то ў іх вачах было задавальненне», — так распавёў пра сваё затрыманне жыхар Гомеля Аляксандр Канеўскі.



11223.jpg

Мужчыну выпусцілі на волю, хоць напярэдадні пакаралі яго адміністрацыйным арыштам.

Аляксандр Канеўскі дзеянні супрацоўнікаў Савецкага РАУСа расцэньвае як катаванні.

— Мяне ўдарылі па назе, пасля чаго я ўпаў на калені. Пасля ўдарылі ззаду нагой. Я ўдарыўся аб сцяну. Пасля чаго мяне правялі ў пакой і сказалі сядзець ціха на крэсле пасярод пакоя. Пасля чаго нечым мяккім ударылі па галаве, і я практычна выключыўся. Я не ведаю, як не згубіў прытомнасць, але я застаўся сядзець. Я бачыў, як загараліся агнём вочы гэтых людзей. Яны рабілі тое, што ім падабаецца. 

Паводле неафіцыйнай інфармацыі, з 9 жніўня ў Гомелі было затрымана каля 700 чалавек.

Беларускае Радыё Рацыя