Крыніца. Медытацыя для ачышчэння ад непражытых эмоцый — калі зрывае дах і шалееш ад усяго і ўсіх навокал

У карціне свету беларусаў крыніца атаясамлялася з ідэяй вечнага руху і першароднай чысціні, яна ўвасабляе сабой само жыццё і здароўе. Пра гаючыя ўласцівасці крынічнай вады вядома са старажытнасці. Ва ўяўленнях нашых продкаў гэта ўказвае на святасць, сакральнасць гэтых водных аб’ектаў.


Сляды пакланення крыніцам археолагі датуюць аж каменным векам. На Беларусі ж і па сёння ў многіх месцах шануюць крыніцы, вераць, што вада з іх дапамагае пазбавіцца шмат ад якіх хвароб.

Таму мы прапануем вам здейсніць ментальнае падарожжа да цудадзейнай крыніцы, каб знайсці тую самую першародную чысціню, палепшыць стан свайго эмацыйнага здароўя.

Мантаж: Святлана Лазоўская

Музыка з канала Sound Healing


Перад медытацыяй:

— Паклапаціцеся, каб хвілін 20-30 вас ніхто не турбаваў (адключыце тэлефоны, пазакрывайце месенджары на камп’ютары/планшэце, зачыніце дзверы, здыміце фітнэс-бранзалеты ды смарт-гадзіннікі)

— Праветрыце памяшканне, папіце вады, наведайце прыбіральню

— Паздымайце ўсе ўпрыгожанні з валасоў, гадзіннікі, паясы (ці проста расшпіліце)

— Уладкуйцеся ў зручнай позе (цягам медытацыі варушыцца можна, калі ўзнікне такое жаданне)

Вітаем у падарожжы ў Сусвет!