Птушка: медытацыя на веснавое абуджэнне
У карціне свету нашых продкаў птушкі звязваюць вырай і гэты свет, сімвалізуюць рост, жыццё, свабоду. Птушкам прыпісвалася здольнасць прыносіць з сабою вясну.
Крыніца: Беларуская Гармонія: Медытацыя і Рэлакс [ youtube ]
Гэта медытацыя на веснавое абуджэнне, вяртанне ў рэсурсны стан пасля зімовага здранцвення, для натхнення і адчування радасці жыцця. Калі навокал усё падаецца шэрым, анямелым, бязрадасным — выпусці на волю сваю птушку!
Прапануем і вам пачуць спевы сваёй жар-птушкі і абудзіць вясну ў сваім сэрцы!
Мантаж: Mocna
Музыка: Relaxing by Bensound / www.bensound.com
Перад медытацыяй:
— Паклапаціцеся, каб хвілін 20-30 вас ніхто не турбаваў (адключыце тэлефоны, пазакрывайце мэсэнджары на камп'ютары/планшэце, зачыніце дзверы, здыміце фітнес-бранзалеты ды смарт-гадзіннікі)
— Праветрыце памяшканне, папіце вады, наведайце прыбіральню
— Паздымайце ўсе ўпрыгожанні з валасоў, гадзіннікі, паясы (ці проста расшпіліце)
— Уладкуйцеся ў зручнай позе (цягам медытацыі варушыцца можна, калі ўзнікне такое жаданне)
Вітаем у падарожжы ў Сусвет!