«Верым — лепшыя будуць часы!» Калядная песня «Новага Часу»

Хутка Каляды і Новы год! Гэтым відэа рэдыкцыя "Новага Часу" віншавала сваіх чытачоў у мінулым годзе. Але сёлета словы песні набылі новае гучанне: "Хопіць скардзіцца і плакаць, пераможам вурдалака!" — гэта пра ўсіх нас. А пакуль нагадваем, што каб атрымліваць газету ў студзені, варта аформіць падпіску да 25 снежня. Падпісны індэкс: 63279. Спявайма разам!

Тэкст песні: Аксана Колб, Марыя Мартысевіч, відэа Аляксандр Лібертад.

Спявайма разам!

Што там новага ў культуры,

Хто ня ўнік пракуратуры -

Лёгка дасць на ўсё адказ

"Новы час", "Новы час", “Новы час”.

Што б жыццё не рыхтавала,

Каб навала мінавала,

І каб лёс не троліў нас,

Падтрымай “Новы час”, “Новы час”

Ці туманы і дождж сцяной,

Ці пакрыла ўсё снегам і льдом -

Прыйдзе гэтай ужо зімой

 "Новы час" — у кожны дом.

Хопіць скардзіцца і плакаць,

Пераможам вурдалака!

Заклікаем шчыра вас,

Падтрымаць Новы час, Новы час.

Хутка прыйдзем у Новы год,

Верым лепшыя будуць часы,

Зажыве наш пакутны народ

Заспявае на ўсе галасы.

Што б жыццё не рыхтавала,

Каб навала мінавала,

 І каб лёс не троліў нас,

Падтрымай “Новы час”, “Новы час”