Пілоты ў РФ пачалі браць прыклад з Кузьмінава, які з Мі-8 перайшоў на бок Украіны
Пілот авіяцыйнай эскадрыллі Расгвардыі Гаўрычэнка з адпачынку ААЭ не вярнуўся дадому ў Расію, а паведаміў амбасадзе ЗША пра гатоўнасць да супрацоўніцтва. Яшчэ адзін расійскі пілот збег у Літву.
![Фота t.me/hochu_zhyt Фота t.me/hochu_zhyt](/img/v1/images/haczu_zyc.jpg?f=f&h=396&o=0&u=1715395350&w=528)
Фота t.me/hochu_zhyt
Расійскі
пілот-вайсковец авіяцыйнай эскадрыллі Расгвардыі старшы лейтэнант Гаўрычэнка
(пазыўны «Гаўр») ўзяў прыклад з капітана Максіма Кузьмінава, які ўдзельнічаў у
спецаперацыі ў ГУР і перагнаў расійскі верталёт Мі-8 ва Украіну. Пра гэта
паведамляе ТГ-канал «Дасье шпіёна».
У канцы верасня «Гаўр» разам са сваёй сям'ёй знаходзіўся ў адпачынку ў ААЭ, і замест таго, каб вярнуцца потым у Расію, ён прыйшоў у амерыканскае пасольства ў ААЭ і заявіў, што гатовы да супрацоўніцтва, а ваяваць больш не хоча.
У амерыканскую амбасаду Гаўрычэнка звярнуўся, бо здолеў выкарыстаць даўнія сувязі. Яго аднакласнік (або аднакурснік) Антон Васільеў (былое прозвішча Лях) — лётчык 610-га цэнтра баявога прымянення і перавучвання лётнага складу (ваенная частка 41520, Іванава) — з'ехаў з Расіі пасля пачатку нападу РФ на Украіну (так званай «спецаперацыі») і цяпер пражывае ў Лос-Анджэлесе, дзе ўдзельнічае ў арганізацыі збораў для ўкраінскай арміі. Верагодна, ён таксама дзеліцца службовай інфармацыяй з прадстаўнікамі Пентагона.
«ФСБ лічыць, што менавіта Антон Васільеў (Лях) пераканаў Гаўрычэнку ў неабходнасці ўцёкаў», — гаворыцца ў паведамленні.
Глядзіце таксама
![Расійскі лётчык, які пасадзіў верталёт РФ ва Украіне, атрымае паўмільёна долараў Расійскі лётчык, які пасадзіў верталёт РФ ва Украіне, атрымае паўмільёна долараў](/img/v1/images/9d3b944_kuzminov.avif?f=c&h=360&o=0&u=1715395350&w=660)
Таксама вядома пра падобнае рашэнне пілота 15-й брыгады армейскай авіяцыі (ваенная частка 44440) лейтэнанта Дзмітрыя Мішова, які ўцёк у Літву.
Як пісаў НЧ, у канцы жніўня стала вядома, што расійскі верталёт Мі-8 пераляцеў ва Украіну, здаўся УСУ і пасадзіў верталёт Мі-8 на адной з украінскіх авіябаз. Расійскі пілот таемна дамовіўся з украінскай выведкай. Лётчык Максім Кузьмінаў атрымае ўзнагароду — 500 тысяч долараў.
Паводле korrespondent.net