СМІ: Германія вырашыла паставіць Украіне танкі Leopard

Нямецкія выданні заявілі, што Берлін ухваліў пастаўкі для Узброеных Сіл Украіны сваіх асноўных баявых танкаў.

Фота: dpa

Германія прыняла рашэнне паставіць Украіне танкі Leopard 2. Пра гэта паведамляе нямецкі Spiegel у аўторак, 24 студзеня. Выданне адзначае, што іншыя саюзнікі таксама плануюць паставіць ва Украіну танкі Leopard 2 з сваіх запасаў. У сувязі з гэтым, федэральны ўрад Германіі плануе дазволіць рээкспарт такіх танкаў іншымі дзяржавам, у прыватнасці Польшчай.

Выданне The Wall Street Journal паведаміла ў аўторак, 24 студзеня, што Злучаныя Штаты ў сваю чаргу разглядаюць магчымасць пастаўкі сваіх асноўных баявых танкаў Abrams. Адміністрацыя прэзідэнта ЗША Джо Байдэна схіляецца да таго, каб адправіць "значную колькасць" танкаў M1 Abrams ва Украіну з-за пазіцыі Германіі адносна ўласных танкаў Leopard. Адпаведнае рашэнне можа з'явіцца ўжо на гэтым тыдні, паведамілі выданню The Wall Street Journal інфармаваныя суразмоўцы.

Аналагічнае рашэнне пра пастаўку танкаў таксама разглядае і Францыя.

Вялікабрытанія таксама ўжо абвясціла аб перадачы УСУ 14 сваіх танкаў Challenger-2.


Верагодна, рашэнню Германіі папярэднічалі інтэнсіўныя кансультацыі з саюзнікамі, "асабліва ў Вашынгтоне".

У прыватнасці, там звяртаюць увагу, што канцлер Германіі Олаф Шольц раней падкрэсліў, што гатовы пастаўляць баявыя танкі толькі разам з іншымі саюзнікамі, у прыватнасці ЗША.

The Wall Street Journal дадае, спасылаючыся на свае крыніцы, што нямецкія танкі Leopard нібыта паходзяць са складоў Бундэсвера.

Акрамя таго, у будучыні могуць быць падрыхтаваныя да перадачы Украіне і баявыя танкі са складоў прамысловасці.

Нагадаем, новы кіраўнік Мінабароны ФРГ Барыс Пісторыус заявіў, што ў Берліне рыхтуюць пастанову з нагоды паставак танкаў Leopard Украіне, якая "будзе вельмі хутка".

Танкі Leopard 2 былі спецыяльна распрацаваныя для барацьбы з расійскімі Т-90, якія Масква актыўна выкарыстоўвае ў вайне супраць Украіны. Паводле ацэнак экспертаў, у свеце налічваецца больш за 2 тысячы Leopard розных мадыфікацый, і прэзідэнт Украіны Уладзімір Зяленскі заявіў, што каля такіх 300 машын з іх дапамогуць забяспечыць паразу Расіі ў вайне.

Паводле korrespondent.net



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: