У Адэсе позвы ў ваенкамат выдавалі на пляжы

У Адэсе крэатыўна падышлі да таго, як разагнаць людзей, што нягледзячы на забарону ходзяць на пляжы, закрытыя з-за мінаў

У Адэсе 14 чэрвеня адпачывальнікам прызыўнога ўзросту на пляжы 12 станцыі Вялікага Фантана выдавалі позвы ў ваенкамат. Паведамляецца, што праверку пачалі патрульныя паліцэйскія.

Яны праводзілі тлумачальныя гутаркі з адпачывальнікамі, якія, нягледзячы на забарону, загаралі на пляжах і купаліся ў моры.

Старшы лейтэнант паліцыі Аляксандр Цярэнцьеў распавёў, што падобныя рэйды вартавыя парадку праводзяць штодня, у апошні час колькасць парушальнікаў зменшылася.

Да рэйду таксама далучыліся вайскоўцы, якія ўручалі позвы з запрашэннем з'явіцца ў ваенкамат мужчынам прызыўнога ўзросту.

Паводле www.pravda.com.ua