ЗША не падтрымліваюць ЕС у візавых абмежаваннях для грамадзян РФ
Пра гэта распавёў дарадца Белага дома па нацыянальнай бяспецы Джон Кірбі.
Са слоў дарадцы, Вашынгтон увёў абмежаванні для некаторых расійцаў. Гэты інструмент дазволіць прыцягнуць да адказнасці прыхільнікаў прэзідэнта Расіі, якія ўдзельнічаюць у вайне з Украінай.
«Але мы не лічым прыцягненне ўсіх расійцаў да адказнасці за дзеянні Пуціна прадуктыўнай мерай», — сказаў Кірбі, падкрэсліўшы, што нельга ператвараць візавае пытанне ў вайну з усім расійскім народам.
Адказваючы на пытанне аб тэрмінах заканчэння вайны, Кірбі адзначыў, што баявыя дзеянні могуць скончыцца ў любы дзень, як толькі расійскі прэзідэнт вырашыць вывесці войскі з тэрыторыі Украіны. Пры гэтым, па словах дарадцы, Вашынгтон не бачыць прыкмет таго, што Пуцін будзе гэта рабіць, таму ЗША будуць працягваць дапамагаць украінскай арміі столькі, колькі спатрэбіцца.
Кірбі таксама адхіліў здагадкі, што вайна ва Украіне — гэта вайна Расіі з ЗША ці НАТА.
«Але гэта — Расія супраць народа Украіны. Гэта Пуцін вырашыў уварвацца ў суседнюю краіну 24 лютага гэтага года абсалютна без прычыны, абсалютна без юрыдычнага абгрунтавання», — сказаў дарадца.
31 жніўня на сустрэчы ў Празе міністры замежных спраў ЕC дамовіліся прыпыніць дзеянне пагаднення аб спрошчаным візавым рэжыме з Расіяй. Гэта ўскладніць і падаражэе ўезд у ЕC грамадзянам Расіі. Масква заявіла, што прыме меры ў адказ на візавыя абмежаванні для расійцаў.
