СМІ: Член украінскай дэлегацыі на перамовах з Расіяй аказаўся расійскім шпіёнам. Яго забілі пры затрыманні

«Кірэеў — чалавек Клюевых».

Пры затрыманні супрацоўнікамі СБУ забіты член першай гомельскай дэлегацыі Украіны на перамовах з Расіяй Дзяніс Кірэеў. Падазраваўся ў дзяржаўнай здрадзе, паведаміў у сваім блогу ўкраінскі журналіст і дэпутат Вярхоўнай Рады Украіны IX склікання Аляксандр Дубінскі. Яго інфармацыю пацвярджаюць іншыя ўкраінскія СМІ са спасылкай на свае крыніцы.

«Кірэеў — чалавек Клюевых, — сцвярджае Аляксандр Дубінскі. — У перыяд з 2006 па 2008 года Дзяніс Кірэеў працаваў у СКМ «Фінанс», дзе займаў пазіцыю намесніка генеральнага дырэктара. Наступным месцам працы Кірэева стала аўстрыйская кампанія GROUP SLAV AG Клюевых, размешчаная ў Вене. У гэты ж час, у прамежку паміж 2006 і 2012 гг., Дзяніс Кірэеў быў членам назіральнага савета Укрэксімбанка. Займаў пазіцыю першага намесніка старшыні праўлення Ощадбанка па квоце Клюевых, з 2010 па 2014 гг. займаўся кіраваннем прыватнымі фондамі Private equity Fund і Fixed income Fund».

«Якім чынам ён трапіў у склад дэлегацыі Украіны на перамовах з акупантамі — вельмі хочацца высветліць у Офіса Прэзідэнта?» — задае заканамернае пытанне ўкраінскі дэпутат.

Паводле reform.by.