Парламент Літвы забараніў вяшчанне расійскіх і беларускіх радыё і тэлеканалаў

У Сейме Літвы прагаласавалі за забарону вяшчання расійскіх і беларускіх тэлебачання і радыё. Супраць ніхто з парламентарыў не выступіў.

Рашэнне было прынята тэрмінова, бо пасля скасавання надзвычайнага становішча на ўсёй тэрыторыі Літвы знікла падстава для забароны праграм, якія распаўсюджваюць дэзынфармацыю. А новы дэкрэт аб надзвычайным становішчы ў Літве больш не прадугледжваў такой забароны, таму што рэжым надзвычайнага становішча заставаўся ў сіле толькі на мяжы з Расіяй і Беларуссю.

Заканадаўчая папраўка прадугледжвае «часовую забарону на рэтрансляцыю і распаўсюджанне» перадач, у тым ліку ў інтэрнэце, «створаных асобамі, якія наўпрост ці ўскосна кіруюцца, кантралююцца або фінансуюцца Расіяй і Беларуссю». Пакуль пазначана, што палажэнне будзе дзейнічаць да 16 кастрычніка 2024 года.

За папраўку прагаласавалі 113 дэпутатаў. Супраць ніхто не выступіў, устрымаліся чацвёра.

Паводле «Позірк»www.delfi.lt



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: