Вайна ва Украіне скончыцца да смерці Пуціна — украінская выведка
Прэзідэнт Расіі Уладзімір Пуцін вельмі хворы, ён хварэе доўга і вельмі сур'ёзна, аднак убачыць перамогу Украіны ў вайне, якую пачала Расія, ён паспее яшчэ да сваёй смерці.
Кіраўнік Галоўнага ўпраўлення выведкі Украіны Кірыл Буданаў. Фота ABC News
Пра гэта распавёў кіраўніка Галоўнага ўпраўлення выведкі Украіны Кірыла Буданаў у інтэрв'ю ABC News. На пытанне журналісткі, ці хворы Пуцін, Буданаў адказаў, што расійскі дыктатар хворы і ўжо вельмі доўга. Ён таксама паведаміў, што Пуцін хворы на рак.
«Мы проста ведаем гэта — ад людзей, крыніц», — сказаў начальнік разведкі, верагодна кажучы пра людзей, набліжаных да расійскага дыктатару.
Журналістка таксама спытала: калі, на думку Буданава, памрэ расійскі дыктатар. На што ён адказаў, што, на яго думку — вельмі хутка, але дадаў, што ён на гэта спадзяецца.
Кіраўнік ГУР адзначыў, што вайна ва Украіне павінна скончыцца да смерці Пуціна. Аднак дадаў, што пасля смерці дыктатара ў РФ пройдзе трансфер улады.
Што тычыцца будучыні Расіі, Буданаў сказаў, што існуе некалькі сцэнараў, але пасыл відавочны: «Не трэба баяцца трансфармацыі Расіі. Гэта пойдзе толькі на карысць усяму свету».
Рэжым Пуціна «з'яўляецца пасмешышчам для ўсіх», — сказаў Буданаў і падкрэсліў, што расійскія войскі практычна зведзены да абароны тэрыторый, якія яны ўсё яшчэ займаюць ва Украіне — «і ненадоўга».
«Расія больш не з'яўляецца ваеннай пагрозай для свету, гэта проста казка», — лічыць ён.
Буданаў таксама сказаў, што чакае, што баі будуць «самымі гарачымі» ў сакавіку — і дадаў, што Украіна плануе сур'ёзны наступ вясной: «Гэта [калі мы ўбачым больш] вызвалення тэрыторый і нанясення канчатковых паразаў Расійскай Федэрацыі», — сказаў ён. «Гэта будзе адбывацца па ўсёй Украіне, ад Крыма да Данбаса».
«Наша мэта, і мы яе дасягнем, — вяртанне ў межы 1991 года, у якіх Украіна прызнаная ўсімі суб'ектамі міжнароднага права», — сказаў Буданаў.
Адзіная праблема, якая застаецца, лічыць кіраўнік украінскай выведкі, — гэта ядзерны арсенал Расіі і «бескантрольны рэжым», які прывядзе «ўвесь свет да ўсведамлення неабходнасці дэнуклеарызацыі Расіі або, па меншай меры, міжнароднага кантролю за яе ядзерным арсеналам».
«Тэрарыстычная краіна, якая размахвае ядзернай бітай і пагражае, — гэта не рэжым, які мае этычнае або палітычнае права кантраляваць зброю масавага знішчэння», — дадаў Буданаў.
Варта згадаць, што і выведка Даніі ў сваім расследаванні сабрала нямала інфармацыі, якая пацвярджае хваробу Пуціна. У той жа час, яна лічыць, што ў момант уварвання расійскага кіраўніка ва Украіну на яго паўплывалі лекі, якія ён прымаў падчас лячэння анкалогіі.
Паводле abcnews.go.com, украінскай службы РБК